JEREMIA 15:7 - Biblia Ilagho Jiboie Kwa Wandu Wose

⁷ Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 15:7 ပူးပေါင်းရင်းမြစ်များ

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 51:2

nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

EZEKIELI 24:25

“Na oho mwana wa mdamu, ituku nichaawiinjira isuwirio jawo, kuboilwa na wubaa ghwawo ghuwighokiagha, na bea ya ngolo yawo, na wokoni wana wawo wa womi na wa waka,

EZEKIELI 36:12

Ee nichawibonya awo wandu wapo Israeli wisele aighu yenyu, nawo wichammbusa mmbuye mali yawo; nenyo ndemchaawingira wasi kwa wundu ghwa wana wawo anduangi.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

WUKUMBUSO 28:18

“Wana wako wichawadwa ni njowe, na mavalo gha mbuwa yako, na ng'ombe rako, hata wana wa ng'ondi rako.

WUKUMBUSO 28:32

Wana wako wa womi na wa waka wichanekwa wandu wazima kukiwona, na oho kuchawizighanira dime dii hata kusilo kukikunda kuwiwona, kusedimagha kuwitesia na ilagho jingi.

WUKUMBUSO 28:41

Kuchava wana wa womi na wa waka, ela ndewichaakaia wako; kwa kukaia wichadwalwa wunyika.