JEREMIA 15:6 - Biblia Ilagho Jiboie Kwa Wandu Wose

⁶ Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 15:6 ပူးပေါင်းရင်းမြစ်များ

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 28:13

Kwa wundu ugho ilagho ja BWANA jichakaia konyu. Sharia aighu ya sharia, na msitari aighu ya msitari; katini aha na katini aja; mpate kughenda na kughwa, mchike, mmbwado ni mdegho na kudwalwa wunyika.

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

JEREMIA 6:12

Nyumba rawo richanekwa wandu wazima, mbuwa rawo chiaimweri na waka wawo wori, kwa kukaia nichaghughorua mkonu ghwapo kuwikaba wandu wose wikaiagha isangenyi.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

JEREMIA 7:16

“Na oho Jeremia, kusakewilombia awa wandu, hata kusakenililia angu kunivoya kwa wundu ghwawo, kwa kukaia sichaakusikira anduangi.

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

EZEKIELI 14:9

“Mlodi ukakalikia, nao ufunye wulodi ghwa tee, mmanye ni ini namkalia; nani nichamkaba na kumuinja aghadi ya wandu wapo Israeli.

EZEKIELI 25:7

kwa huwo, olenyi naghorua mkonu ghwapo aighu yenyu, nani nichamfunya na kumneka wandu wa iro mbari ra wandu; nichamuinja wandunyi na kumtotesha masangenyi. Aho niko mchaamanya kukaia ini ne BWANA.”

EZEKIELI 35:3

kughuzere, Bwana MLUNGU waghamba huwu: Ola ne m'maiza wako oho Mghondi ghwa Edomu; nichaghorua mkonu ghwapo, na kukukaba, nani nichakubonya kusigho mduu.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

HOSEA 4:16

Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.