JEREMIA 14:2 - Biblia Ilagho Jiboie Kwa Wandu Wose

² “Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 14:2 ပူးပေါင်းရင်းမြစ်များ

AYUBU 34:28

Washekerie wakiwa wikamlilia Mlungu, nao ukasikira kililo chawo.

ZABURI 144:14

Ng'ombe redu nderive kwa wungi; risekuo vifu hata kufusha; kililo chingi cha wasi chisesikirike chienyi kodu.

KUFUMA 2:24

Na Mlungu ukakumbuka ilaghano jake orejibonyereghe na Abrahamu, Isaaka, na Jakobo.

ISAYA 15:5

Ngolo yapo ialilia isanga ja Moabu, wandu wake wiakimbiria isanga ja Soari na Eglathi-shelishia, wamu wiajokeria na mshoromoto ghwa Luhithi wikilila, na wamu wiaghenda wikilila kwa wasi cha Horonaimu.

ISAYA 24:11

Kililo chasikirika chienyi mbaa kwa wundu ghwa kusowa divei, kuboilwa kwawo kwavikia kutua kwaro, kuboilwa kose kwa ndoenyi kwasirie.

ISAYA 24:4

Ndoenyi kwanyaya na kuoma, wurumwengu ghwaawuyasia na kuoma, na mlungunyi kwaawuyasianya na ndoenyi.

ISAYA 24:7

Mizabibu iaoma, na divei yapungua. Wandu werechuloghe ni kuboilwa idana wiasoria ngolo kwa wasi.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 12:11

Wamerie kujibonya isanga jikaie iduu, jawurie iduu hata jianililia isanga jose jeewuya kireti, ela ndekuwadie mndungi wawuyajiririkanya ngolonyi kwake anduangi.

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 18:22

Kuwiredie wandu wewibwagha wisemanyire, kililo chipate kusikirika nyumbenyi rawo; kwa kukaia wakotere kina chenikumba andenyi, nawo waboisire shaghala kivisonyi rewada maghu ghapo.

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 46:12

Iro mbari ra wandu ramerie kusikira malagho ghenyu gha waya, wandu wose wa ndoenyi wamsikire mkilila; kwa kukaia masikari wakuwarishane weni na weni, na wose wikaghwa chiaimweri.

JEREMIA 8:21

Angu kukabwa kwa wandu wapo ni kukabwa kwapo, nalila, na kufwa waya.

KILILO CHA JEREMIA 2:8

BWANA odewona mawurigha gha Jerusalemu ghigho. Waghipimie na kuhakikisha kukaia ghanoneka putu. Idana minara na mawurigha ghose gheewuya maghacho.

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

KILILO CHA JEREMIA 5:10

Njala yadishekerie dikapatwa ni iruke ja homa, mimbi yedu ehia shuu sa iriko jedekia.

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

JOELI 1:10

Mbuwa reewuya ikara; ndoe yaoma, angu viro vanonwa, mizabibu yaoma, na mizeituni yaoma.

JOELI 1:11

Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JOELI 2:6

Kucha kwawo kuaobosha wandu; mawushu ghose ghaawuya gha mshashu-mshashu.

HAGAI 1:11

Naomera isanga aighu mighondinyi, na mbuwenyi rewa viro, na mbuwa ra mizabibu na matunda gha mizeituni, na kula andu kobusa viro. Ngareda wasi kwa wandu na nyamandu, na kula kilambo mdimagha kuzoghora.”

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

1 SAMUELI 5:12

awo wiserefueghe, orewikabieghe kwa mbama; hata kililo chawo chikajoka mlungunyi.

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”