JEREMIA 14:12 - Biblia Ilagho Jiboie Kwa Wandu Wose

¹² Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 14:12 ပူးပေါင်းရင်းမြစ်များ

AYUBU 27:9

Welee, Mlungu wadima kusikira kililo chake, ingelo wapatwa ni wasi?

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

ISAYA 58:3

Wandu wakotia BWANA, “Kwaki difungie tumu sena kusewonagha? Kwaki dakusera na ndighi huwu, na oho ndekutalie ilagho ijo?” Na BWANA wawitumbulia huwu, “Olenyi mwadakuboia mmbeni ngelo yenyu efunga tumu, na kuwikoronga wabonyi kazi wenyu.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 11:14

Kwa huwo, oho Jeremia, kusakewilombia hata kusakenivoya kwa wundu ghwa wandu awa; kwa kukaia sichaawisikira iji wakaniwanga ngelo wapatwa ni wasi.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 21:6

Nani nichawikaba wandu wikaiagha andenyi ya ughu muzi, wose, mundu na nyamandu wichafwa kwa saka izamie.

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

JEREMIA 8:13

“Ngelo nichaawitumbanya wandu wapo wichakaia sa mzabibu ghusewadie zabibu, na sa mtini ghusewadie tini; na mbashu raro richakaia riomie, na icho nerewinekieghe, wichasokwa.”

JEREMIA 9:16

Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

EZEKIELI 14:19

Ngaduma saka izamie isangenyi, na kubwagha wadamu na nyamandu kwa machu ghapo,

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MALAKI 2:13

Mwawuyabonya ilagho jimu sena. Mwawuyachura madhabahu ya BWANA mbori renyu. Mwaawuyalila mkidikwa ni mbori angu walegha kughirumiria mafunyo mwareda.

WUFUNUO 6:8

Ngawona farasi ya fusifusi, na uo oreijokieghe, irina jake orewangiloghe Kifwa, na Andu Kwa Wafu korenughaneghe nao; nawo werenekeloghe nguma aighu ya ifungu ja kana ja ndoenyi; wibwaghe kwa lufu, na kwa njala, na kwa saka izamie, na kwa nyamandu ra isakenyi ra ndoenyi.