JEREMIA 14:10 - Biblia Ilagho Jiboie Kwa Wandu Wose

¹⁰ BWANA waghora huwu aighu ya awa wandu: “Wadakunda tu kumara-mara, hata ndewikumaziriagha weni; kwa huwo BWANA ndewirumirie, nao uchaghikumbuka mawiwi ghawo na kuwikaba kwa wundu ghwa kaung'a rawo.”

JEREMIA 14:10 ပူးပေါင်းရင်းမြစ်များ

1 WAZURI 17:18

Uja muka ukamzera Elija, “Kwaki kunibonyere huwu? Welee, koocha kwapo eri kumkumbuse Mlungu kaung'a yapo hata mwana wapo ufo?”

ZABURI 119:101

Nasighie kula ilagho iwiwi, eri nijiwadie ilagho jako.

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

KUFUMA 32:34

Idana ghenda kuwilongoze awo wandu hata isanga nerekughorieghe. Ola malaika wapo uchakiria imbiri konyu. Elaima, ngelo ichacha, nani nichawikaba wandu awa kwa wundu ghwa kaung'a yawo.”

JEREMIA 2:36

Kwaghalue chia rako mando mengi! Kuchafushwa waya ni Wamisri, sa iji koni korefushiroghe waya ni Waashuru.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

EZEKIELI 29:16

Misri ndeichaakaia isuwirio ja Waisraeli sena, ela ichakaia lukumbuso lokumbusa Waisraeli ikosa jawo jekusaghika na Wamisri. Aho niko wichamanya kukaia ini ne Bwana MLUNGU.”

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 11:9

Sichaakukaba kwa machu ghapo anduangi; sichaamtotesha Israeli sena, kwa kukaia ini ne Mlungu se mdamu ungi; ini Mweli neko aghadi konyu, na ini sichaamchea na machu.

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 7:2

Ela ndewiwuemanya wei nawuyarikumbuka kazi rawo mbiwi rose. Mabonyo ghawo ghawimara chia rose na kuwikwa imbiri kwapo.”

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

WAEBRANIA 8:12

Angu nichawifuya wughoma makosa ghawo, na kaung'a rawo sichaarikumbuka sena anduangi.”

1 SAMUELI 15:2

Uchawikaba Waamaleki angu werewitangalieghe Waisraeli chienyi ngelo werefumieghe isanga ja Misri.