JEREMIA 13:21 - Biblia Ilagho Jiboie Kwa Wandu Wose

²¹ Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 13:21 ပူးပေါင်းရင်းမြစ်များ

2 WAZURI 16:7

Niko Ahazia ukaduma wadumi kwa Tiglathi-pileseri mzuri wa Ashuru ukighamba, “Ini ne mdumiki na mwana wako; joka kunitesie nifume mikonunyi kwa mzuri wa Siria na mzuri wa Israeli wawuyalwa nani.”

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 13:8

nawo wichafwa ngolo. Wandu wose wichangilwa ni wowa na kuwawa karakara na muka wawuyakufungua. Wichazighanana weni na weni kwa wowa, wilushire mawushu.

ISAYA 21:3

Malagho nighiwonie kwa mawono agho ghanioboshere na kunivavira, ngawawa sa muka ukumbagha lufu kwa kuva; agho nighisikire, ghanikambirie chongo, nafwa waya hata sidimagha kuzighana.

JEREMIA 2:25

Kusakeghenda na chwau nduu, hata kusesighe marangi ghako ghiome; ela kwaghambie, ‘Agho ni malagho gha duu, kwa kukaia namerie kuikunda milungu ya kighenyi, nani nichainugha.’”

JEREMIA 22:23

Oho kukaiagha Lebanoni, kubonyere andu kwako kokaia na midi ya Sida; kusirimika saki ngelo wasi ghuchaakuchea, sa ghwa muka wachelwa ni lufu lokufungua.”

JEREMIA 30:6

Kotia idana kuwone welee, mndwawomi wadima kuva mwana? Kwaki sena nawuyawona kula mndwawomi wawika mkonu ghwake kifunyi sa muka ukumbagha lufu lova? Kwaki mawushu ghafuwia huwu?

JEREMIA 38:22

Ola waka wose weresigharikieghe andenyi ya ngome ya mzuri wa Juda werekoghe wikighenjwa shighadi kwa wabaa wa mzuri wa Babuloni; nawo werekoghe wikighamba, ‘Waghenyi wako kuwirumirie weekukalia wikakusima; na idana angu maghu ghako ghangia mazozonyi, wakusigha kuekeri.’

JEREMIA 4:30

Na oho ee Jerusalemu kusighilo mkiwa, kwaki kukurushagha nguwo ra ngundu na kukupamba na vilambo va dhahabu, na kukushinga rangi ra meso na kukughokesha duu? Awo kubonyagha lukundo nawo, wameria kukulegha; nawo weekunda kukubwagha.

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

JEREMIA 6:24

Wandu wa Jerusalemu waghamba, “Dasikire agho malagho na mikonu yedu ikadateweleka. Dapatwa ni luwawo lubaa sa lwa muka ukumbagha lufu.

EZEKIELI 28:9

Welee, kuchachuria kughamba wei ‘Ini ne mlungu,’ iji kuko imbiri ya wabwaghi wako? Oho ko mdamu tu, iji kuko mikonunyi kwa wandu wawuyakushoghonua.

MATHAYO 24:8

Ela maza iri rose ni sa kuzoya kulumwa kwa kuva.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.