JEREMIA 13:19 - Biblia Ilagho Jiboie Kwa Wandu Wose

¹⁹ Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 13:19 ပူးပေါင်းရင်းမြစ်များ

2 WAZURI 25:21

Mzuri wa Babuloni ukawikaba na kuwibwagha aho Ribla isanga ja Hamathi. Niko wandu wa Juda wikakaia wadwalwa wunyika na kufunywa isangenyi mzawo.

1 MALAGHO GHA NGELO 9:1

Wandu wa Israeli wose wereandikiloghe kunughana na nyumba rawo. Malagho agha ghaandikilo andenyi ya Chuo cha Wazuri wa Israeli. Wandu wa Juda werebarishiroghe cha Babuloni sa ikabo kwa wundu ghwa kaung'a rawo.

AYUBU 12:14

Ukavuchua, mndungi ndewuyaagha; ukafunga mundu jela, ndefungulwagha ni mndungi.

JEREMIA 17:26

Na wandu wichafuma mizi ya Juda, na andu kuzima kose kumarie Jerusalemu; kufuma isanga ja Benjamini na kufuma Shefela, na isanga ja mighondinyi, hata kufuma Negebu wikireda vizongona vekora, na vizongona, na mafunyo gha viro, na marumba, na mafunyo gha chawucha andenyi ya Hekalu ya BWANA.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 24:1

Nyuma ya Nebukadnezari mzuri wa Babuloni kuwidwa wunyika Jehoiakini mwana wa Jehoiakimu mzuri wa Juda, na wabaa wake, mafundi ghake ghewacha na gechana vuma, kufuma Jerusalemu, BWANA orenifunukuyeghe ngawona vikapu viwi va tini verewikiloghe imbiri ya Hekalu ya BWANA.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 32:44

Mbuwa richaghulwa kwa pesa, na barua reghua richangirwa sahihi, naro richakabwa muhuri na kushuhudilwa andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, na mizi ya isanga ja mighondinyi, andenyi ya mizi ya Shefela, na mizi ya Negebu; kwa kukaia nichawiwunja sena isangenyi kwawo, ini BWANA naghamba.”

JEREMIA 33:13

Andenyi ya mizi ya isanga ja mighondinyi, na andenyi ya mizi ya Shefela, na andenyi ya mizi ya Negebu, na andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, mfugho richawoneka rikitalwa ni mlisha rikiida.”

JEREMIA 39:9

Niko Nebuzaradani, uo m'baa wa majeshi, ukawidwa wunyika cha Babuloni awo wandu weresigharikieghe mzinyi; awo werekimbirieghe cha kwake na awo weresigharikieghe.

JEREMIA 52:27

Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

JEREMIA 52:28

Ughu nigho mtalo ghwa wandu weredwaloghe wunyika ni Nebukadnezari: Mwaka ghwa mfungade, Wayahudi elfu idadu na mirongo iwi na idadu;

JEREMIA 52:30

mwaka ghwa mirongo iwi na idadu ghwa Nebukadnezari, Nebuzaradani uja m'baa wa majeshi orewidwaghe wunyika wayahudi maghana mfungade mirongo ina na wasanu. Wandu wose weredwaloghe wunyika ni elfu inya na maghana arandadu.

KILILO CHA JEREMIA 1:3

Wandu wa Juda wadwalo wunyika na kubonywa wazumba; wakaia isanga izima jiseko jawo jeni. Warughailwa ni wamaiza wisedimagha kufufunuka.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

WUKUMBUSO 28:15

“Ela kukalegha kumsikira BWANA Mlungu wako, angu kuleghalindia kukatisha agho malaghiro ghake gha sharia rake nikulaghiragha idime, kuchawadwa ni njowe iri rose.

WUKUMBUSO 28:52

Wichakumaria mbai-mbai andenyi ya mizi yako yose, na mawurigha ghako ghimange ghiko ighu, agho korekusaghikagha nagho, ghichavuchulwa isangenyi kwako kose, ijo kunekwaghwa ni BWANA Mlungu wako.

JOSHUA 18:5

Wichajiwagha mafungu mfungade; Juda uchakaia isangenyi kwake noko cha kusinyi, na Josefu uchakaia isangenyi kwake cha kaskazinyi.