JEREMIA 13:16 - Biblia Ilagho Jiboie Kwa Wandu Wose

¹⁶ Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 13:16 ပူးပေါင်းရင်းမြစ်များ

AYUBU 3:5

Ndejiserelo ni kiju na kira cha ndindima. Ndejifinikiro ni mawingu, na kuserelwa ni kira cheobosha nadime.

ZABURI 107:10

Wamu werekoghe na wasi andenyi ya kira kibaa; wafungwa witirirwagha kwa kufungwa na minyororo,

ZABURI 107:14

Ukawifunya wasinyi andenyi ya kira kibaa, na kudumbua minyororo yawo vipande vipande.

ZABURI 29:2

Mnekenyi BWANA wubaa ghwa irina jake; mtasenyi na marwao gha wueli.

ZABURI 44:19

Ela sena kwadisighanye na nyamandu ra isakenyi, kukadisigha andenyi ya kira kibaa.

KUFUMA 10:21

Niko BWANA ukamzera Musa, “Ghorua mkonu ghwako nokoighu, kira chipate kungia isanga ja Misri, kira kibaa loli-loli.”

MAKATANISHO 4:19

Chia ya wawiwi ni sa kira cha ndindi; ndewimanyagha niki chawikuwisha.

MCHILI 11:8

Mundu ukakaia moyo miaka mingi, ndefunye chawucha andenyi ya matuku gha irangi jake; ela ukumbuke kukaia uchafwa. Iro naro ni maza ra duu.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

ISAYA 59:10

Dawuyaadada wurigha sa vitungure, na sa wandu wisewadie meso. Diakuwa na dime ghadi seji daawuyaghenda nakio, nesi dawoneka sa wafu aghadi ya wandu wiwadie ndighi.

ISAYA 59:9

Wandu waghamba, “Ni kwa wundu ughu ndediwuebonyerwa hachi, hata ndediwuepata loli ingi anduangi; dalola mwengere, ela daawuyapata kira; dasuwiria kuwona mwengere ela daawuyaghenda kirenyi.

ISAYA 60:2

Ola ndoenyi kuchafinikirwa kira, na kira kibaa chichawifinikira wandu; ela oho, Mlungu uchakulangalishira mwengere, na wubaa ghwake ghuchawoneka aighu kwako.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 23:12

Chia rawo richawuya redendeluka a kirenyi, andenyi ya iro chia, wichawingwa na kughwa; kwa kukaia nichareda wuwiwi aighu kwawo, andenyi ya ugho mwaka ghwa kukabwa kwawo.

JEREMIA 4:23

Nerezighanireghe ndoenyi nao ngawona ni kitungasi, hata eeka nduu; ngazighana mlungunyi ngawona ndekuwadie mwengere.

JEREMIA 50:6

“Wandu wapo werekoghe ng'ondi rilagharie, rilongozero kiwiwi ni walisha waro, kwa kurighalua na kurighenja aighu mighondinyi; kufuma mghondi m'baa hata mghondi mtini, hata rikaliwa maranu ghawo.

JEREMIA 6:21

Olenyi nawika vikuwarisho vewikuwara wandu awa, weke aba na wana wawo wichakuwa chiaimweri, na mmbenyu na mghenyi wake wichatota chiaimweri.”

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

KILILO CHA JEREMIA 4:17

Dazighanire dikisuwiria kupata wutesia hata meso ghedu ghikasera kira; ela ndedicheeghupata jingi.

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

EZEKIELI 36:15

Sichaakubonya kusikire masholio kufuma kwa iro mbari ra wandu sena hata wandu ndewichaakufusha waya, hata ndekuchaaikuwisha mbari yako sena, anduangi, ini Bwana MLUNGU naghamba.”

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 5:18

Ni bugha kwa awo wiweseragha ijo ituku ja BWANA! Kwaki mkunde kujiwona ituku ja BWANA! Ni ituku ja kira jisewadie mwengere;

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

JOSHUA 7:19

Joshua ukamzera, “Mwana wapo, kwa wundu ghwa ishima ja BWANA wa Israeli, nighorie loli; kwabonyere wada? Kusenivise ilagho jingi.”

1 PETRO 2:8

Na sena, “Ni igho jichaawikuwara wandu, na lwala luchaawighusha.” Wakuwa, angu wisejisikiragha ijo ilagho; sa iji koni werewikiloghe wikaie.

1 SAMUELI 6:5

Kwa huwo ni suti m'bonye fwana ra mbama renyu na fwana ra mbewa renyu iro rawuyanona isanga, nao mumneke Mlungu wa Israeli wubaa, aho kewada wadima kuleka kumkaba inyo, na milungu yenyu, na isanga jenyu.