JEREMIA 13:11 - Biblia Ilagho Jiboie Kwa Wandu Wose

¹¹ Sa iji koni mshipi ghuwadanagha na kiwonu cha mundu, niko koni wandu wose wa Israeli na wandu wa Juda nerewibonyereghe wiwadane na ini, eri wipate kukaia wandu wapo kwa kujimanyisha irina japo, na kwa kunikasa, na kwa kunineka ishima. Ela ndewerenisikireghe anduangi.”

JEREMIA 13:11 ပူးပေါင်းရင်းမြစ်များ

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ZABURI 81:11

“Ela wandu wapo ndewerenisikireghe, Israeli nderenitalieghe anduangi.

ISAYA 43:21

Wandu nerewiumbieghe kwa wundu ghwapo, eri wipate kueresha makaso ghapo.”

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

JEREMIA 13:1

BWANA ukanizera, “Ghenda kughuo mshipi ghwa kitani, kughufunge kiwonunyi kwako, ela kulindie kuseghungire machinyi.”

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 13:12

BWANA, uo Mlungu wa Israeli ukanizera, “Jeremia, wizere wandu wa Israeli kukaia kula kiriba chichachurwa divei.” Nawo wichakuzera, “Kwani huwo ndediichi viriba vadachurwa divei?”

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 32:20

oho korewonyereghe alama na mashiniko andenyi ya isanga ja Misri, na hata idime kwawuyawonyera kwa wadamu wose; kukamanyika seji iko idime.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

LUKA 10:11

‘Hata na teri ya muzi ghonyu iyo yakakadia maghu ghedu damghughuduya, ela sena manyenyi angu Wuzuri ghwa Mlungu ghwameria kucha kaavui.’

WUKUMBUSO 26:18

BWANA wamghora idime kukaia inyo mo mbari ya wandu wake moni, sa iji koni ulaghirie; na kukaia mughiwadieghe malaghiro ghake.

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

WUKUMBUSO 4:7

“Ni mbari iyao mbaa ikwanye na mlungu ghwawo kaavui seji BWANA Mlungu odu uko nesi ingelo dimmbangagha?

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.