JEREMIA 12:7 - Biblia Ilagho Jiboie Kwa Wandu Wose

⁷ BWANA waghamba, “Namerie kumsigha Israeli, namerie kusigha wandu wapo. Namerie kumngira mkundwa wapo wa ngolonyi, mikonunyi kwa wamaiza wake.

JEREMIA 12:7 ပူးပေါင်းရင်းမြစ်များ

2 WAZURI 21:14

Nani nichawikumba masighariko gha wandu wapo noko, na kuwingira mikonunyi kwa wamaiza wawo, nawo wichawuya wandu wedwalwa wunyika ni wamaiza wawo wose;

ZABURI 106:40

Niko BWANA ukajokwa ni machu aighu ya wandu wake; wikamzamia na ndighi.

ZABURI 78:62

Orezamiloghe nandighi ni wandu wake, ukawisigha wibwagho ni wamaiza wawo.

ISAYA 2:6

Oho kwawisighie wandu wako ee Mlungu, icho kivalwa cha Jakobo; Kwa kukaia wachulwa ni wulaghui sa wandu wa mashariki, na sa Wafilisti, sena wabonya wungara na waghenyi.

JEREMIA 11:15

“Awandu wapo niwikunde weko na hachiki engia andenyi ya Hekalu yapo ingelo wabonya mawiwi? Welee, wiaghesha wichaghiria mawiwi ghisewipate kwa kufunya vizongona vingi va nyamandu? Wichaboilwa andenyi ya agho?

JEREMIA 14:19

BWANA, loli koomlegha Juda putu? Koozamilwa putu ni wandu wa Jerusalemu? Kwaki kwadikaba huwu hata disedimagha diboo? Deresuwirieghe kupata sere, ela ndediwonie wucha ghungi deresuwirieghe ngelo eboa iche, ela dikaapata mashaka.

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

JEREMIA 22:5

Ela mkalegha kusikira agha malagho, BWANA waghema kwa uo moni kukaia, inyumba ichanonwa.

JEREMIA 23:33

BWANA waghamba, “Mndungi wa awa wandu angu mlodi, angu mkohani ukakukotia, ‘Msigo ghwa BWANA niki?’ Kuchamtumbulia, ‘Ni inyo mmbeni msigo, nani nichamkumba noko.’

JEREMIA 23:39

kwa wundu ugho nichamshoa na kumkumba noko nisemmboneghe, chiaimweri na ughu muzi neremnekieghe na weke ndeyo.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

JEREMIA 7:14

Kwa wundu ugho, sa iji koni nerebonyereghe Shilo, nichaibonyera wokoni iyo Hekalu iwangilo kwa irina japo, iyo muko na irumirio nayo, na andu aho nerekunekieghe weke ndeyo na inyo.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

JOELI 2:15

Kabenyi tarumbeta aighu ya Mghondi ghwa Sioni; funyenyi momu wandu wifunge tumu mmbange ikwanyiko.

JOELI 3:2

Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

WUKUMBUSO 33:12

Kwa wundu ghwa mbari ya Benjamini ukaghora, “Ihi niyo mbari BWANA uikundagha na kuilindia; wadawilindia dime dii, nao wadakaia aghadi kwawo.”