JEREMIA 12:6 - Biblia Ilagho Jiboie Kwa Wandu Wose

⁶ Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

JEREMIA 12:6 ပူးပေါင်းရင်းမြစ်များ

AYUBU 6:15

Ela inyo waghenyi wapo mwaawuyanikalia, sa meda iomagha ngelo vua iseko. Na sa kusalama kwa machi gheida,

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 12:3

BWANA ndenyamire memu ya mikalo, na chumi rikukasagha;

ZABURI 69:8

Nawurie mundu wa kighenyi kwa wanidu, na muchi kwa wanidu wa mao.

MAKATANISHO 23:8

Kuchadaika vindo kuvijie, na malagho ghako ghisingie kusindeja ghiwuye gha duu.

MAKATANISHO 26:25

Ukakadeda nicha, kusemrumirie; angu ngolo yake eechua kuzamilwa;

ISAYA 31:4

BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 11:21

Kwa huwo BWANA waghamba huwu aighu ya wandu wa Anathothi; awo wikunde kukubwagha waawuyaghamba, “Kusakeloda kwa irina ja BWANA dichekubwagha” -

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:4

Kula mundu ndekulindie na mmbao, na mndungi usekaie na irumirio kwa mruna, kwa kukaia kula mundu mruna ni mkalii, na kula mmbenyu ni mzighirii.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

MARKO 12:12

Nao vilongozi va Wayahudi wikakunda kummbwada, kwa kukaia weremanyireghe angu mfwano ugho ni kwa wundu ghwawo. Ela wikaobua izungu, wikamsigha na kughenda chia rawo.

JOHANE 7:5

(Angu hata waruna ndeweremrumirieghe anduangi.)

MABONYO GHA WADUMI 16:22

Izungu ja wandu jikawadana na waja wandu, jikawuka aighu ya Paulo na Sila, na watanyi wikawirua nguwo kwa kurirashua; wikafunya momu wikabo na zobo.

MABONYO GHA WADUMI 18:12

Ela iji Galio orekoghe m'baa wa Akaya, Wayahudi werewukieghe kwa ngolo imweri, wikammbwada Paulo na kumghenja kotinyi