JEREMIA 12:4 - Biblia Ilagho Jiboie Kwa Wandu Wose

⁴ Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 12:4 ပူးပေါင်းရင်းမြစ်များ

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

ZABURI 50:21

Kwabonyere agha ghose, nani nganyama kima; kukadaghesha wei deefwanana. Ela idana nichakukemia na kukughoria makosa ghako worinyi.

ISAYA 24:4

Ndoenyi kwanyaya na kuoma, wurumwengu ghwaawuyasia na kuoma, na mlungunyi kwaawuyasianya na ndoenyi.

ISAYA 24:6

Kwa huwo ndoe yamerelwa ni njowe, na wandu waro wapatwa ni wasi kwa wundu ghwa mawiwi ghawo, wandu wa ndoenyi wakorwa hata awo wisigharikagha ni watini.

JEREMIA 12:11

Wamerie kujibonya isanga jikaie iduu, jawurie iduu hata jianililia isanga jose jeewuya kireti, ela ndekuwadie mndungi wawuyajiririkanya ngolonyi kwake anduangi.

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 4:25

Nerezighanireghe ngawona ndekuwadie mndungi, na nyonyi rose ra mbeonyi rameria kuburuka noko.

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 5:13

Awo walodi wiadeda malagho tu sa mbeo, hata ijo ilagho ndejiko andenyi kwawo, agho wighighoragha ghiwipata weni.”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:9

Welee, ndeinifwane niwikabe kwa wundu ghwa maza iri? Ndeinifwane nilipie kisasi aighu ya mbari sa ihi?”

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

JOELI 1:18

Ng'ombe raawuyadoka kwa wasi ghosowa nyasi; ng'ondi raawuyaja wasi wokoni.

AMOSI 1:2

Amosi ukaghamba, “BWANA waruruma kufuma Mghondi ghwa Sinai; wadeda kufuma Jerusalemu. Milamba elisha yaoma, na nyasi aighu ya Mghondi ghwa Karmeli rawuya manjano.”

HABAKUKI 3:17

Hata ngera mtini ghwakaia ghusewadie matunda, na zabibu kusoweka aighu ya mizabibu; hata ngera matunda gha mizeituni ghasoweka na mbuwa kusowa vindo, hata ngera ng'ondi rasia chaghenyi na ng'ombe kusoweka putu boronyi;

ZEKARIA 1:12

Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?”

WAROMA 8:22

Isi damanya angu vilambo vose viumbilo vasoria ngolo chiaimweri kwa kuwawa sa kukumba lufu kwa kuva hata idana;