JEREMIA 12:12 - Biblia Ilagho Jiboie Kwa Wandu Wose

¹² Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 12:12 ပူးပေါင်းရင်းမြစ်များ

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

ISAYA 57:21

Ndekuwadie sere ingi kwa wandu wawiwi,” waghamba Mlungu wapo.

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 16:5

BWANA wawuyaghora huwu, “Kusengie nyumba andu ifwa jiko hata kuselile andwamweri nawo, hata kuwadwa ni wughoma ghungi kwawo; kwa kukaia namerie kuinja irasimio japo ja kuwineka sere, na lukundo na wughoma.

JEREMIA 25:11

Isanga jose jichasigharika iduu jimerie kunoneka, na iri mbari ra wandu richamdumikia mzuri wa Babuloni kwa miaka mirongo mfungade.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 30:5

“Dasikira lwaka lwa wowa na loobosha luseko lwa sere.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

JEREMIA 47:6

Mwaghamba, ‘Ai! E lufu lwa BWANA, ni lii kuchaaleka kudema? Wuya kiwonyi kwako, kuhore kima.’

JEREMIA 48:2

Wubaa ghwa Moabu ghwasia. Wabonyere mpango ghwa wuwiwi aighu ya Heshboni wikighamba, ‘Choonyi dimuinje putu usekaie mbari na inyo ee wandu wa muzi ghwa Madmena mchanyamirishwa, mchawingwa ni majeshi.’

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

KILILO CHA JEREMIA 3:17

Naimilo sere; naliwie seji mecha ghiko.

EZEKIELI 14:17

Na hata iji nareda wuda isangenyi, na kufunya momu waisanga wibwagho, hata wadamu na nyamandu rimerelo,

EZEKIELI 21:28

“Na oho ee mwana wa mdamu, funya wulodi kughambe, ‘Bwana MLUNGU waghamba huwu aighu ya Waamoni, na aighu ya agho madukano ghawo: Lufu, lufu lwakulwa lupate kubwagha; lwazughulo, lwaawuyaaka-aka na kung'ala-ng'ala sa luhehia.

EZEKIELI 21:4

Kwa kukaia nichabwagha mhachi na mmbiwi kufuma kwako, nichakua lufu lwapo kiwonyi kwaro, na kulwa na wandu.

EZEKIELI 21:8

BWANA ukaghora nani ukighamba,

EZEKIELI 21:9

“Mwana wa mdamu, funya wulodi kughambe, BWANA waghamba huwu: Lufu, lufu lwakalishwa lukazughulwa,

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

AMOSI 9:4

Hata widwalo wunyika na kukaia kwa wamaiza wawo nichaduma wandu aho wiwibwaghe. Nia yapo ni kuwibwagha si kuwikira anduangi.”

ZEFANIA 2:12

Wokoni BWANA uchawibwagha Wakushi.

WUKUMBUSO 32:42

Mawanu ghapo ghicharogha bagha yawo, na lufu lwapo luchabwagha wose winitangalagha. Sichaasigha mndungi ulwagha nani; hata awo wishoghonokie na wafungwa wichafwa.’

WUFUNUO 6:4

Na farasi zima ikafuma ya mkundu tini, na uo oreijokieghe, orenekeloghe rusa einja sere ndoenyi, wandu wipate kubwaghana weni na weni; nao orenekeloghe lufu lubaa.