JEREMIA 12:1 - Biblia Ilagho Jiboie Kwa Wandu Wose

¹ Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

JEREMIA 12:1 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

EZRA 9:15

Ee BWANA Mlungu wa Israeli, oho koko mloli, ela kwadisighie dikaie moyo. Dahea mawiwi ghedu kwako; ndedifwane isi kusoghoda imbiri kwako.”

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

AYUBU 12:6

Ela vitoi na wandu wisemuichi Mlungu weeka na sere, hata ngera Mlungu ghwawo ni ndighi rawo.

AYUBU 13:3

Ela neekunda nighore na Uo-Uwadie-Ndighi-Rose, na kudeda malagho ghapo kwa Mlungu.

AYUBU 24:12

Wandu waawuyaruma wikifwa mzinyi, na awo wishoghonolo, waawuyakema witeselo; ela Mlungu ndewuesikira malombi ghawo.

AYUBU 24:23

Mlungu wadawilindia na kuwimangisha; wadawizighanira seji wighendagha.

AYUBU 8:17

Miri yaro yarusana a kitungunyi cha magho, nayo yaghumangisha a maghonyi.

ZABURI 116:5

BWANA ni wa mvono, sena ni mhachi; Mlungu odu ni wa wughoma.

ZABURI 119:137

Oho ko mhachi ee BWANA, na sharia rako ni ra loli.

ZABURI 119:75

Namanya ee BWANA kukaia kutanya kwako ni kwa hachi, na angu kwaninekie ikabo kwa hachi.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

ZABURI 37:1

Kusakesumbuka kwa wundu ghwa wandu wawiwi; kusewado ni iriso ja wandu wibonyagha makosa.

ZABURI 37:35

Nammbonie mundu mmbiwi, mkinyanya; uko ighu sa msida ghwa Lebanoni.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

ZABURI 92:7

kukaia, hata ngera wawiwi wabuka sa nyasi, na wabonyi kiwiwi wose kughenda imbiri, watanyiro witote kwa kala na kala;

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

MCHILI 8:14

Ghoko wuwiwi ghwawuyabonyeka ndoenyi: mundu wa hachi kukabwa makabo gha mundu mmbiwi, na mundu mmbiwi kulipwa malipo gha mundu wa hachi. Naghamba, iri naro ni maza ra duu.

ISAYA 41:21

“Redenyi malagho ghenyu ee milungu ya mbari ra wandu, waghora BWANA. Redenyi wuloli ghonyu; waghamba Mzuri wa Israeli.

ISAYA 48:8

Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

JEREMIA 11:20

Niko ngalomba, “Ee BWANA wa majeshi, kutanyagha kwa hachi oho kuritimagha ngolo na nia ra wandu, nakulomba kunineke kuwona kukilipa kisasi chako aighu yawo, kwa kukaia irangi japo najisaghika kwako.”

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

JEREMIA 3:20

Ela kwa loli kwaleghie kukaia mloli kwapo kara kara na muka useko mloli kwa mumi ee Israeli.”

JEREMIA 3:7

Neregheshereghe kewada nyuma ya kubonya agho uchaniwuria, ela nderewurieghe. Juda wa kwawo useko mloli ukawona ghose.

JEREMIA 32:16

“Nyuma ya kumneka Baruku mwana wa Neria ija barua eghua mbuwa, neremlombieghe BWANA ngighamba,

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

EZEKIELI 18:25

“Elaima sena mwaawuyaghamba ‘BWANA ndewuebonya hachi kungi.’ Sikirenyi idana inyo wandu wa Israeli, Loli siwuebonya hachi? Welee, si inyo mmbeni msewuebonya hachi anguwada?

DANIELI 9:14

Kwa wundu ugho oho BWANA kukakaia tayari kudikaba; angu oho BWANA Mlungu odu koko mhachi kwa kazi rako rose kuribonyere, na isi dikalegha kukusikira.

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

HABAKUKI 1:4

Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.