JEREMIA 11:20 - Biblia Ilagho Jiboie Kwa Wandu Wose

²⁰ Niko ngalomba, “Ee BWANA wa majeshi, kutanyagha kwa hachi oho kuritimagha ngolo na nia ra wandu, nakulomba kunineke kuwona kukilipa kisasi chako aighu yawo, kwa kukaia irangi japo najisaghika kwako.”

JEREMIA 11:20 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

2 WAZURI 19:14

Mzuri Hezekia ukawusa iyo barua mikonunyi kwa awo wadumwa, ukaishoma; ukajoka cha Hekalunyi ya BWANA na kuikuchua imbiri ya BWANA.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

AYUBU 5:8

“Ngera ni ini, nadamlola Mlungu na kumghoria wasi ghwapo.

ZABURI 139:23

Kunizighane ee Mlungu kuimanye ngolo yapo! Kunitime kumanye maghesho ghapo.

ZABURI 35:2

Wada ngao na kangao kuwuke kunitesie.

ZABURI 43:1

Kunitale kukaia na hachi ee Mlungu, kunidederie imbiri ya wandu wisekuichi; kunikire na wandu wa mikalo na awo wisewadie hachi.

ZABURI 57:1

Kuniwonie wughoma ee Mlungu, kuniwonie wughoma, angu nakukimbiria oho. Nichakuvisa aisi ya kiju cha mawawa ghako, hata icho kiremba chenona chaida.

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

ZABURI 7:10

Wulindiri ghwapo ghooka na Mlungu; wadakira wandu wecha.

ZABURI 7:8

BWANA kwawuyatanya wandu; kunitanye ee BWANA, kunughana na hachi yapo; kunughana na wucha ghuko andenyi kwapo.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

ZABURI 98:9

angu uacha kughubonyera nguma wurumwengu, Uchawibonyera nguma wandu wiko wurumwengunyi kwa hachi na loli.

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 15:15

Niko ngatumbulia, “Oho kwamanya ee BWANA; kunikumbuke na kunilindia. Kulipe kisasi aighu ya watiriri wapo. Kwa wundu ghwa uko kurumaghia kwako kusakenida kula; kumanye naawuyasholelwa kwa wundu ghwako.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

JEREMIA 20:12

Ee BWANA wa majeshi, oho kuwitimagha wahachi; oho kuwonagha ngolo na nia, kunineke kuwona kukilipa kisasi chako aighu yawo, angu nakusaghika kwako.

KILILO CHA JEREMIA 3:58

“Korechieghe kukanivuvua BWANA, kukanikira.

KILILO CHA JEREMIA 3:59

Kunitanyire hachi ee BWANA; oho kwamanya seji nibonyere kiwiwi.

KILILO CHA JEREMIA 3:64

“Kuwikabe kwa wundu ghwa agho wighibonyagha ee BWANA.

EZEKIELI 11:5

Nao Roho wa BWANA ukakaia aighu kwapo, ukanizera, Ghora na wandu wa Israeli huwu, “Ini BWANA naghamba, Huwo niko mwawuyaririkanya, ela ini naichi seji mwawuyaghesha akilinyi konyu.

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

1 SAMUELI 24:15

BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”