JEREMIA 11:19 - Biblia Ilagho Jiboie Kwa Wandu Wose

¹⁹ Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 11:19 ပူးပေါင်းရင်းမြစ်များ

AYUBU 28:13

Mdamu ndeichi zoghori ya hikima, hikima ndeiwonekagha wandunyi anduangi.

ZABURI 109:13

Kivalwa chake ndechisie, na irina jake jiliwike kivalwa cha kawi.

ZABURI 112:6

Mhachi ndechaanyavurika jingi; uchakumbukwa kwa kala na kala.

ZABURI 116:9

Naawuyaghendanya na BWANA, andenyi ya wurumwengu ghwa wandu wiko moyo.

ZABURI 142:5

BWANA, naawuyakulilia; oho ko mlindiri wapo; oho ko vose nivikundagha va irangi iji.

ZABURI 27:13

Neko na irumirio kukaia nichaghuwona wucha ghwa BWANA niko moyo.

ZABURI 31:13

Nasikira wandu wengi wikihohoriana, ngadadungwa ni vikundi; wabonya mipango chiaimweri elwa nani, wipate kunibwagha.

ZABURI 35:15

Ela iji nerekuwieghe werenikwanyikieghe wikiboilwa; werekwanyikieghe kulwa nani; wandu nisewiichi wikadanizighiria wikiniziziria.

ZABURI 52:5

Ela Mlungu uchakutotesha kwa kala na kala; uchakufunya mzinyi kwako na kukurashua, nao uchakuinja isangenyi ja wandu wiko moyo.

ZABURI 83:4

Waghamba, “Choonyi diimerie imbari putu, na irina ja Israeli jisewuekumbukwa sena.”

MAKATANISHO 10:7

Kuwikumbuka wahachi ni irasimio, ela irina ja mmbiwi jichaliwika.

MAKATANISHO 24:15

Kusakelaliria muzi ghwa mundu wa hachi seji kooka mmbiwi; kusakebara muzi ghwake,

MAKATANISHO 7:22

Uja mdawana ukamnugha ija ngelo cheni, sa ng'ombe iendabwaghwa angu sarigha yawadwa ni mdegho,

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

ISAYA 38:11

Neregheshereghe sichaammbona BWANA kwa ijo isanga ja awo wiko moyo; neregheshereghe sichaawiwona wandu sena, hata sichaakaia aghadi ya wandu wiko wurumwengunyi.

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 26:8

Jeremia uendameria kughora malagho ghose orelaghiriloghe ni BWANA kwa wandu wose, wakohani, na walodi, na wandu wose, wikammbwada wikighamba, “Kuchafwa!

KILILO CHA JEREMIA 3:60

Oho kwaichi seji wamaiza wapo wawuyazamilwa ni ini, na seji wawuyanideda njama.

EZEKIELI 32:24

“Elamu oko aho chiaimweri na izungu jake; makaburi gha wandu wake wose wibwaghilo wudenyi, ghaimara kaburi yake chia rose. Wereserieghe cha wurumwengu ghwa wafu wisemwichi Mlungu. Awo niwo wereoboshereghe wandu wa wurumwengu ghwa awo wiko moyo, na idana niwo wafushwa waya chiaimweri na awo wereserieghe kondonyi kinenyi.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

HOSEA 9:8

Mlungu ooniduma nikaie mlodi owionya wandu wake Israeli. Elaima kula andu nawuyaghenda mwawuyanideghia midegho sa nyonyi. Wandu waawuyanibonya m'maiza andenyi ya Hekalu icheni ya Mlungu.

MITALO 1:14

kufuma kichuku cha Gadi, ni Elisafu mwana wa Deueli;