JEREMIA 11:17 - Biblia Ilagho Jiboie Kwa Wandu Wose

¹⁷ Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 11:17 ပူးပေါင်းရင်းမြစ်များ

2 SAMUELI 7:10

Sena nichawisaghuya wandu wapo Israeli andu nichaawiwika, wipate kukaia andu kwawo koni wisechaasumbulwa ni mndungi sena; hata wandu wawiwi ndewichaawikoronga sena sa kala,

2 MALAGHO GHA NGELO 28:25

Ukabonya andu kotasira mighondinyi andenyi ya kula muzi ghwa Juda; kufukiria milungu mizima marumba, na kum'bonya BWANA uo Mlungu wa weke ndee ujoko ni machu.

ZABURI 44:2

Korewingieghe mbari ra wandu kumoni, kukawiwika weke aba aho; korewitiririeghe awo wandu, kukawibonya weke aba wiwone mecha.

ZABURI 80:15

Choo kughukire ughu mzabibu koreghuwaeghe, ugho mzabibu mkoo koreghuzoghorieghe ghukawuya m'baa.

ZABURI 80:8

Korediredieghe sa mzabibu kufuma Misri, kukariwinga mbari zima na kughuwa isangenyi kwawo.

ISAYA 5:2

Oreilimieghe, ukafunya magho gherekoghe, ukawa mzabibu ghuboie; ukaagha mnara ghadi na ghadi ya ndoe, ukakota kina chekamia zabibu, ukaweseria upate zabibu riboie, ela ghukava zabibu ra isakenyi.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

JEREMIA 1:14

BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 12:2

Oho kwadawiwa nawo wadadunga miri; wazoghua na kuva matunda; wadakughora nicha, ela ngolo rawo weko kula na oho.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 18:8

nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 2:21

Ela sena nerekuwaeghe karakara na mzabibu ghusaghulo, ghufumie kwa mbeu ndicha. Kwaghalukie-ghalukie wada, kukawuya mzabibu ghwa isakenyi?

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 32:30

Kwa kukaia wana wa Israeli na wana wa Juda ndewibonyere ilagho jingi icha, ela wuwiwi mduu imbiri kwapo kufuma wanake ghwawo; wana wa Israeli ndewibonyere ilagho jingi icha, ela kunivavira tu na kuniwusira machu kwa wundu ghwa mabonyo ghawo.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 40:2

Uja m'baa wa majeshi ukanidwa mbalama ukanizera, “BWANA Mlungu oreghorieghe malagho gha kunoneka kwa muzi ughu;

JEREMIA 40:3

nao waghikatishire na kubonya sa iji koni oreghorieghe. Kwa kukaia morebonyereghe kaung'a aighu ya BWANA, mkalegha kumsikira niko agha ghamchea aighu konyu.

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

JEREMIA 44:5

Ela ndemorenisikireghe hata kunideghia madu ghenyu, mpate kusigha wuwiwi ghonyu, na kuleka kufukiria milungu mizima marumba.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 45:4

“Ola naawuyachikanya agho nereghiaghieghe, na kukua ivo nereviwaeghe isangenyi kose.

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

EZEKIELI 17:5

Sena ikadwa mbeu imu ya isanga ja Israeli, na kuiwa andu kwa ndoe iwurue kuko na machi ghedima kughuzoghora.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.