JEREMIA 11:10 - Biblia Ilagho Jiboie Kwa Wandu Wose

¹⁰ Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

JEREMIA 11:10 ပူးပေါင်းရင်းမြစ်များ

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

ISAYA 24:5

Ndoenyi kwanoneka kwa wundu ghwa wandu wake, kwa kukaia warinona sharia na kulegha memu yake; nawo wajichikanya ijo ilaghano ja kala na kala.

JEREMIA 13:10

Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 22:9

Nawo wichatumbulia, “Ni kwa kukaia wijisighie ilaghano ja BWANA Mlungu wawo, wikaitasa milungu mizima na kuidumikia.”’”

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 44:5

Ela ndemorenisikireghe hata kunideghia madu ghenyu, mpate kusigha wuwiwi ghonyu, na kuleka kufukiria milungu mizima marumba.

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

EZEKIELI 16:59

Bwana MLUNGU waghamba huwu, “Nichakubonyera maza sa iji koni korebonyereghe, angu kwajimenyere ighemi na kujichikanya ilaghano;

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

WALAWI 26:15

na kuleghatala sharia rapo na kuzamilwa ni malaghiro ghapo, hata mlemo ni kurikatisha na kuchikanya ilaghano japo,

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.

WAEBRANIA 8:9

Ndejiko sa jija ilaghano nerejibonyereghe na weke ndee; iji nerewiwadieghe mkonu na kuwighenja, ngiwifunya isanga ja Misri; angu ndeweredueghe kwa ilaghano japo, na kwa wundu ugho, secheewuyawitala anduangi waghamba Bwana.

WATANYI 2:11

Niko wandu wa Israeli wikam'bonyera BWANA kaung'a, wikawoka kudumikia weke Baali.

WATANYI 2:17

Ela Waisraeli ndewerewisikireghe watanyi wawo, hata ndewerekoghe waloli kwa BWANA, nawo wikatasa milungu mizima; shwa wori wikaghaluka na mbai kwa kuisigha ija chia erenughwagha ni weke ndee, awo weresikireghe malaghiro gha BWANA na kughibonya.

WATANYI 2:19

Ela nyuma ya uo mtanyi kufwa, werekoghe wikiwuya nyuma na kubonya maza richumbie rija ra imbiri rerekoghe rikibonywa ni weke ndee kwa kuidumikia na kuighoghomia milungu mizima; wikadua andenyi ya lung'eto na mabonyo ghawo mawiwi.

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.