JEREMIA 10:9 - Biblia Ilagho Jiboie Kwa Wandu Wose

⁹ Feza ichanilo yaredelo kufuma Tarshishi, na dhahabu kufuma Ufazi. Iro ni kazi ra mundu wa wuya, richanilo ni mchani dhahabu, marwao ghawo ni gha ngundu-ngundu, na gha zambarau; iro rose ni kazi ra wandu wa wuya.

JEREMIA 10:9 ပူးပေါင်းရင်းမြစ်များ

1 WAZURI 10:22

Mzuri orekoghe na meli ra biashara rerekoghe rikidambanya baharinyi na meli ra Hiramu. Indo jimweri kula miaka idadu rerekoghe rikireda dhahabu, na feza, na mbembe ra chovu, na fuwe, na sawau.

2 MALAGHO GHA NGELO 9:21

Angu meli ra mzuri rerekoghe rikighenda Tarshishi na wadumiki wa Huramu; na indo jimweri kwa miaka idadu rerewurieghe rikidwa dhahabu, feza, mbembe ra chovu, fuwe na weke teusi.

ZABURI 115:4

Milimu yawo ni feza na dhahabu, kazi ra mikonu ya wandu.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ISAYA 23:6

Lilenyi, inyo wandu wa masanga gha pwani! Kimbienyi cha Tarshishi.

ISAYA 40:19

Ndedimagha kufwananishwa na mlimu ghubonywagha ni wandu, ugho ghushingwa dhahabu ni mafundi; na kuwikwa aighu ya kilambo cha feza.

EZEKIELI 27:12

“Korebonyereghe biashara na Spania, angu korekoghe na mali nyingi ra kula kichuku; wikafunya feza, chuma, ibamba, na risasi kuzoghorana na vilambo vako.

EZEKIELI 27:7

Itanga jako jedebonywa na nguwo ya kitani ndicha, itolelo ifumie Misri; idumikagha sa bendera yako. Chandarua chako chedeeka cha rangi ya buluu, na ya zambarau ifumie pwani ya Elisha.

DANIELI 10:5

Ngawusira meso ghapo na kuzighana, ngawona mundu urushiro nguwo ya kitani, urwae mkowa ghwa dhahabu iboie na ndighi kiwonunyi kwake.

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

JONA 1:3

Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.