JEREMIA 10:3 - Biblia Ilagho Jiboie Kwa Wandu Wose

³ Angu mizango ya awa wandu ni ya kisha; wadema mudi kufuma msidunyi na kuwachwa na isoka kwa mikonu ya wandu wiwadie wuya.

JEREMIA 10:3 ပူးပေါင်းရင်းမြစ်များ

ZABURI 115:4

Milimu yawo ni feza na dhahabu, kazi ra mikonu ya wandu.

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 10:8

Wose wakaia wakelu wisena akili, wifundishwagha ni milimu ya midi!

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

WALAWI 18:30

Kwa huwo, mmbwadie malaghiro ghapo hata na jingi msakenugha tabia mbiwi ra wandu werekoghe imbiri yenyu; jingi msekulushe kwa iro tabia, Ini ne BWANA Mlungu onyu.”

MATHAYO 6:7

“Nenyo iji mwakalomba, msakededa madedo mengi ghiseeliagha sa wandu wisemwichi Mlungu, awo wigheshagha wichasikirwa kwa wundu ghwa madedo ghawo mengi.

MABONYO GHA WADUMI 19:26

Nenyo mwawona na kusikira si aha Efeso kuekeri, ela na Asia yose; seji uhu Paulo wakumba wandu wurumu na kuwighalusa wandu wengi, ukighamba wei milungu ibonywagha ni mikonu ya wandu si milungu ingi anduangi.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,