JEREMIA 10:22 - Biblia Ilagho Jiboie Kwa Wandu Wose

²² Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 10:22 ပူးပေါင်းရင်းမြစ်များ

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

JEREMIA 1:14

BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 4:15

Wandu wafuma muzi ghwa Dani, na mighondi ya Efraimu, waghora malagho ghizamie aighu yako.

JEREMIA 4:6

Wusirenyi kiweto chekimbiria Jerusalemu, kimbirienyi wusalama msemuke; kwa kukaia naawuyareda wuwiwi kufuma kaskazinyi, kunoneka kubaa nandighi.

JEREMIA 49:33

Hazori uchawuya kireti cha mizozo, na kusighwa nduu kwa kala na kala; mndungi ndechaakaia aho, hata mndungi omara-mara ndechaakaia aho anduangi.”

JEREMIA 5:15

“Ola nawuyareda aighu yenyu inyo wandu wa Israeli, mbari ya wandu ifumagha kula. Ni mbari imange, mbari ya kala, kiteto chawo msechimanyagha, hata msedimagha kuelelwa ni agho wighoragha.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 1:4

Ndekuwadie mndungi uchagha Hekalunyi kutasa matuku gha ndima; wai wereboragha aho waawuyaja wasi, na wakohani waawuyasirimika. Andu kokwania koosighwa kuduu, na Sioni, eeka na luwawo lubaa.

EZEKIELI 12:19

nao kuwighorie waisanga malagho agha, Bwana MLUNGU waghamba huwu aighu ya wandu wikaiagha Jerusalemu, andenyi ya isanga ja Israeli, kukaia, wichaja vindo vawo kwa wowa, na kunywa machi wikikambwa ni chongo; kwa kukaia isanga jawo jichasokwa vilambo vose, kwa wundu ghwa lung'eto lwa wandu wikaiagha andenyi yaro.

MALAKI 1:3

na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”