JEREMIA 10:12 - Biblia Ilagho Jiboie Kwa Wandu Wose

¹² Ela BWANA oreumbieghe ndoenyi kwa ndighi rake, uo umangishire wurumwengu kwa hikima yake, na kwa kumanya kwake, ukaala mlungunyi.

JEREMIA 10:12 ပူးပေါင်းရင်းမြစ်များ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

KUZOYA 2:5

ndekorekoghe na mudi ghungi ndoenyi, hata mbeu ringi ndererebukieghe, kwa kukaia BWANA Mlungu nderekoghe wanyesha vua ingi ndoenyi, hata ndekorekoghe na mndungi oilima ndoe anduangi;

1 MALAGHO GHA NGELO 16:26

Angu milungu yose ya wandu, ni milimu, ela BWANA oreumbieghe mlungunyi.

AYUBU 26:7

Mlungu wakuchua mawingunyi cha kaskazinyi aighu ya andu kuduu, na kuwanika ndoenyi kuseko na andu kowanikia.

AYUBU 37:18

Kwadima kumtesia Mlungu kuala mawingunyi, kukaie sa kilole chichanilo cha shaba?

AYUBU 9:8

Nuo moni uekeri orealieghe mlungunyi, na kuwadia mivo-mivo ya bahari.

ZABURI 104:2

Kwadarwa mwengere sa nguwo, kwawikie mlungunyi sa hema.

ZABURI 104:24

Ee BWANA, kwabonyere malagho mengi, kwaghibonyere ghose kwa hikima; ndoenyi kwachua maumbo ghako.

ZABURI 119:90

Wuloli ghwako ghwadua kwa vivalwa vose, nagho ghwadua ghumange.

ZABURI 24:2

Waghuaghie aighu ya machi ghimilie ndoenyi nakosi, ukawika misingi yaro baharinyi nandonyi.

ZABURI 33:6

BWANA orebonyereghe mlungunyi kwa ilagho jake, na vose viko andenyi yaro orevibonyereghe kwa kughora koni.

ZABURI 65:7

Kwadanyamira mirurumo ya bahari, na mirurumo ya mivo-mivo yaro, na ndoghoi ra wandu;

ZABURI 78:69

Oreaghieghe Andu kwake kwa Wueli ighu sa mawingunyi, sa ndoenyi iyo uimangishire kwa kala na kala.

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

MAKATANISHO 3:19

BWANA oreumbieghe ndoenyi kwa hikima yake; ukamangisha mawingunyi kwa kumanya kwake.

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

ISAYA 37:16

“Ee BWANA wa majeshi, Mlungu wa Israeli, kukaiagha aighu ya kifumbi cha nguma naighu ya makerubi; ni oho kuekeri Mlungu kuko aighu ya mawuzuri ghose gha ndoenyi, na ni oho kuumbie mlungunyi na ndoenyi.

ISAYA 40:22

kukaia, wurumwengu ghodeumbwa ni uo ukaiagha mawingunyi naighu, na kwake, wandu wikaiagha wurumwengunyi ni karakara na weke mwapazi? Wadakuchua mlungunyi sa pazia, na sa hema ekailwa ni wandu.

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 48:13

Mkonu ghwapo nigho ghorebonyereghe msingi ghwa ndoenyi, ee, mkonu ghwapo ghwa kiwomi ghukawika mlungunyi; ngawanga mlungunyi na ndoenyi riawuka kimusi shwa wori.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

JEREMIA 10:13

Ukakaba lukuwa, machi gha mlungunyi ghadaruruma, wadabonya mawingu ghijoke kufuma ndoenyi. Wadareda luhehia na vua, na kuweta kwa mbeo kufuma andu kwaro.

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

ZEKARIA 12:1

Agha ni malagho gha BWANA aighu ya Israeli: BWANA, uo ualie mlungunyi, ukaumba ndoenyi, na kumneka mdamu irangi waghamba huwu:

JOHANE 1:3

Kwa chia yake Uo, vilambo vose vereumbiloghe ni Mlungu, hata kuseko Uo ndechereumbiloghe kilambo chingi anduangi.

WAKOLOSAI 1:16

Angu andenyi kwake uo, vilambo vose vereumbiloghe; va mlungunyi na va ndoenyi, ivo viwonekagha na ivo visewonekagha; ngera ni awo wibonyagha nguma, angu wazuri, angu wubaa, angu kudima; vilambo vose vereumbiloghe kwa chia yake na kwa wundu ghwake.