JEREMIA 1:19 - Biblia Ilagho Jiboie Kwa Wandu Wose

¹⁹ Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 1:19 ပူးပေါင်းရင်းမြစ်များ

ZABURI 129:2

“Wanikorongie nandighi kufuma wanake ghwapo, elaima ndewinisimie.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 1:8

Kusakeobua wandu, angu ini neko andwamweri na oho kukukira.”

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 11:21

Kwa huwo BWANA waghamba huwu aighu ya wandu wa Anathothi; awo wikunde kukubwagha waawuyaghamba, “Kusakeloda kwa irina ja BWANA dichekubwagha” -

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 2:1

BWANA ukaghora nani ukighamba,

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 26:8

Jeremia uendameria kughora malagho ghose orelaghiriloghe ni BWANA kwa wandu wose, wakohani, na walodi, na wandu wose, wikammbwada wikighamba, “Kuchafwa!

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 39:17

Ela oho nichakukira, hata ndekuchaangirwa mikonunyi kwa awo wandu kwawuyawiobua anduangi.

JEREMIA 42:11

Msakemuobua uo mzuri wa Babuloni, uo mwawuyamuobua; msemuobuo, angu ini neko andwamweri na inyo, nipate kumkira na kumvuvua kufuma mikonunyi kwake.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

MITALO 14:9

Inyo ni bora msemleghe BWANA, hata msewiobuo waisanga waro, angu awo ni sa vindo vedu; ndewiwadie wulindiri ghungi, ela BWANA oko andwamweri nesi; msakewiobua.”

MABONYO GHA WADUMI 26:17

ngikukira na wandu wa Israeli, na wandu wa mbari zima awo nikudumagha kwawo;

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”