JEREMIA 1:18 - Biblia Ilagho Jiboie Kwa Wandu Wose

¹⁸ Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 1:18 ပူးပေါင်းရင်းမြစ်များ

ISAYA 50:7

Kwa kukaia Bwana MLUNGU wadanitesia, niko niserefueghe waya anduangi ngawuya turugha na kukaia sa igho jikurie nani namanya angu sichaafushwa waya anduangi;

JEREMIA 1:17

Ela oho, wuka kukuwike tayari kuwighorie agho malagho ghose nakulaghira. Kusakewifwa waya, nichekufwa waya imbiri kwawo.

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 15:10

Ni bugha kwapo mao, angu korenivaeghe nikaie mundu odeda na kubonya nganyi isanga jose. Sikopeshere hata sikopie kilambo chingi kwa mndungi; ela sena wandu wose weenisua.

JEREMIA 15:20

Nichakubonya kukaie sa wurigha ghwa ngome ghwa shaba kwa wandu awa; wichalwa na oho, nawo ndewichaakusima, kwa kukaia ini neko chiaimweri na oho nipate kukukira na kukuvuvua.

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 21:4

“Mumzere Zedekia huwu, BWANA, uo Mlungu wa Israeli waghamba, ‘Ola nichakwanya maswagha ghako gha wuda ghiko mkonunyi kwako, agho kwawuyatumia kulwa na mzuri wa Babuloni, na Wakaldayo, awo wakurughaia wurighenyi ghwako cha shighadi, nani nichaghireda chiaimweri ghadi na ghadi ya ughu muzi.

JEREMIA 26:24

Ela kwa kukaia Ahikamu mwana wa Shafani oremteserieghe Jeremia, ndeeredimikieghe ufunyo kwa wandu ubwagho anduangi.

JEREMIA 34:3

Ndekuchaafufunuka kusewadilo, ela kwa loli kuchawadwa na kungirwa mkonunyi kwake; kuchawonana na kudedanya nao wushu kwa wushu, na kughenda Babuloni.’

JEREMIA 37:7

“Ini BWANA, Mlungu wa Israeli naghamba, kumzere huwu mzuri wa Juda, uo ukudumie kwapo kunikotia malagho, ‘Ola ijeshi ja Wamisri ijo jerechieghe kukutesia, jalighisa kuwuya Misri isangenyi kwawo koni.

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JEREMIA 38:2

BWANA waghamba huwu, “Mundu uchaakaia andenyi ya ughu muzi, uchabwaghwa wudenyi, angu kwa njala, angu kwa saka izamie; ela uo uchaafuma na kughenda cha kwa Wababuloni uchakaia moyo; uchafufunuka na kukira irangi jake.

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

JEREMIA 6:27

Jeremia, nakubonyere oho kukaie mundu ozighana na kupima wandu wapo, seji chuma chipimwagha, kupate kumanya chia rawo.

JOHANE 1:42

Ukamghenja kwa Jesu. Nao Jesu ukamzighana ukaghamba, “Oho ko Simoni mwana wa Johane, ela kuchawangwa Kefa” (kutambua kwaro ni Petro, angu Igho.)

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.