JEREMIA 1:17 - Biblia Ilagho Jiboie Kwa Wandu Wose

¹⁷ Ela oho, wuka kukuwike tayari kuwighorie agho malagho ghose nakulaghira. Kusakewifwa waya, nichekufwa waya imbiri kwawo.

JEREMIA 1:17 ပူးပေါင်းရင်းမြစ်များ

1 WAZURI 18:46

Ndighi ra BWANA rikamchea Elija, ukakufunga nguwo rake kiwonunyi kwake, ukakimbia na kumuida Ahabu hata Jezreeli.

2 WAZURI 1:15

Malaika wa BWANA ukamzera Elija, “Seanya nao kusakeobua.” Nao Elija ukawuka ukaseanya nao cha kwa mzuri;

2 WAZURI 4:29

Elisha ukamzera Gehazi, “Rwaa kukumazire, kuwade mzata ghwapo kughende, kukakwana na mndungi kusemroghuo; na mndungi ukakuroghua, kusemdike; nao kukavika, kuwikirie mzata ghwapo wushunyi kwa mwana.”

2 WAZURI 9:1

Niko mlodi Elisha ukammbanga umu wa kipughi cha walodi, ukamzera, “Kufunge nicha, kuwade ihi chupa ya mavuda, kughende Ramoth-gileadi.

AYUBU 38:3

Kaia nicha sa mndwawomi; kunitumbulie makoto ghapo.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

KUFUMA 7:2

Kuchaghora ghose nikulaghiragha, na mwanyinyu Haruni uchamghoria Farao, upate kuwisigha wandu wa Israeli wifume isangenyi kwake.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

JEREMIA 26:12

Niko Jeremia ukawizera wabaa na wandu wose ukighamba, “Ni BWANA unidumie kufunya wulodi aighu ya ihi Hekalu na ughu muzi, niko ngaghora malagho agho ghose mwaghisikira.

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

JEREMIA 36:8

Niko Baruku mwana wa Neria ukabonya wokoni sa iji neremlaghirieghe kushoma malagho ghose gha BWANA ghiko chuonyi, ukaghishoma andenyi ya Hekalu ya BWANA.

KILILO CHA JEREMIA 3:57

Korenitumbulieghe kukanizera niseobuo.

JONA 3:2

“Wuka kughughendie ghuja muzi m'baa ghwa Nineve kughuchilie malagho nichaakughoria.”

LUKA 12:35

“Fungenyi viwonu venyu, mkaie nicha, na taa renyu riakeghe,

MABONYO GHA WADUMI 20:20

Mwaichi seji nisereleghieghe kumghoria kula ilagho jifwane ja kumtesia, ngimfundisha worinyi imbiri ya wandu, na nyumba kwa nyumba;

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

1 WAKORINTHO 9:16

Angu ngera najichila Ilagho Jiboie, ijo ndejininekagha hachi ekukasa; angu nawikilwa suti ejichila. Ni bugha kwapo ngakaia nisejichilagha Ilagho Jiboie.

1 WATHESALONIKE 2:2

Ela hata ngera derepatireghe wasi, na kubonywa kiwiwi aja Filipi, seji mwawuyamanya; derekoghe na ngolo kwa Mlungu odu, kumchilia inyo ijo Ilagho Jiboie ja Mlungu dikitangalwa na ndighi.

1 PETRO 1:13

Kwa huwu mkaie na nia riko tayari kubonya malagho. Mkaie na akili nicha, mkighusuwiria ghuja mvono ghuchaamchea ngelo ya kufunukulwa kwa Jesu Kristo.