JEREMIA 1:16 - Biblia Ilagho Jiboie Kwa Wandu Wose

¹⁶ Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 1:16 ပူးပေါင်းရင်းမြစ်များ

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

2 MALAGHO GHA NGELO 28:2

ela ukanugha mfwano ghwa wazuri wa Israeli. Hata ukabonya fwana rechana kwa wundu ghwa weke Baali.

2 MALAGHO GHA NGELO 34:25

Kwa kukaia wanisighie na kuifukiria milungu mizima marumba, hata wikanibonya nijoko ni machu kwa iro kazi wiribonyere; nichakaba Jerusalemu kwa machu mabaa ghisehoagha.

2 MALAGHO GHA NGELO 7:19

Ela ngera mwaghaluka na kurisigha sharia rapo na malaghiro ghapo agho nimnekie, nao mghenda kuidumikia milungu mizima na kuitasa,

ISAYA 2:8

Isanga jawo jeechulwa ni milimu, nawo waghoghomia kazi ra mikonu yawo; vilambo wivibonyere weni.

ISAYA 37:19

nao wakorie milungu yawo nayo ni kazi ya mikonu ya wadamu, ya midi na magho; niko oredimieghe kuinona.

ISAYA 44:15

Iyo midi yawuya mbande rekora, na mundu washoa rimu na kukora modo ghooda, na rimu wakora modo ghoocha mikate; washoa kilingo chimu cha mudi na kuwacha mlungu ghwake na kughutasa; wabonya fwana na kuighoghomia.

ISAYA 65:3

Wandu winivaviragha matuku ghose, wikifunya vizongona vawo a mbuwenyi, na kufukira marumba a matofalinyi.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 10:3

Angu mizango ya awa wandu ni ya kisha; wadema mudi kufuma msidunyi na kuwachwa na isoka kwa mikonu ya wandu wiwadie wuya.

JEREMIA 11:12

Niko wandu wa mizi ya Juda na awo wikaiagha Jerusalemu wichaghenda kuililia milungu iyo werekoghe wikiifukiria marumba ela ndeichaadima kuwikira ngelo ya wasi ghawo.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

JEREMIA 4:12

ela chichakaia kiremba chiwadie ndighi, chafuma kwapo. Ni ini nighoragha kwa kureda kutanya aighu kwawo.”

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

JEREMIA 51:17

Kula mundu ni mkelu usewadie kumanya kungi; kula mundu uchanagha dhahabu wafwa waya kwa wundu ghwa iyo milimu yake, angu milimu yake ni ya tee, hata ndeiwadie miruke ingi andenyi yaro anduangi.

JEREMIA 7:17

Ndekuwuewona seji wibonyagha andenyi ya mizi ya Juda, na chienyi ra Jerusalemu?

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

EZEKIELI 16:18

Kukawada marwao ghako ghitolelo na kurifinikira; kukawika mavuda na marumba ghapo imbiri yaro.

EZEKIELI 24:14

Ini BWANA naghamba, agho malagho ghichakatia; nichaghibonya nimoni. Sichaawuya nyuma, hata sichaalekia, angu kughaluka; ela kunughana na chia ra mabonyo ghako, nichakutanya. Ini Bwana MLUNGU naghamba.”

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

MABONYO GHA WADUMI 7:41

Matuku agho, wikabonya fwana ya ngache, wikaghufunyira mlimu kizongona na kuboilwa ni kazi ra mikonu yawo.

WUKUMBUSO 28:20

“BWANA uchakuredia njowe, kulaghalo ni akili, kusumbuke na kulemwa ni maza rako rose kuribonyagha, hata kwanoneka na kusia shwa wori kwa wundu ghwa mabonyo ghako ghizamie angu kumsighie.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

JOSHUA 24:20

Mkamsigha BWANA na kudumikia milungu mizima, uchamghaluka na kum'bonya kiwiwi, na kummeria, hata ngera orekoghe uki'bonyera nicha.”

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.