JEREMIA 1:14 - Biblia Ilagho Jiboie Kwa Wandu Wose

¹⁴ BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 1:14 ပူးပေါင်းရင်းမြစ်များ

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

JEREMIA 4:6

Wusirenyi kiweto chekimbiria Jerusalemu, kimbirienyi wusalama msemuke; kwa kukaia naawuyareda wuwiwi kufuma kaskazinyi, kunoneka kubaa nandighi.

JEREMIA 46:20

Misri ni sa tagho ya ng'ombe ighokie nandighi, yalumwa ni izi ya ng'ombe yafuma kaskazinyi.

JEREMIA 47:2

Ukaghamba, “Wonenyi machi ghawuyacha kufuma kaskazinyi; ghichacha kwa wungi sa moda m'baa; ghichafinikira isanga na kula kilambo chiko aho, iyo mizi na wandu wikaiagha andenyi yaro. Wandu wichalila nandighi, na kula mundu uko isangenyi uchalila na kukema mchungu.

JEREMIA 50:41

Olenyi wandu waawuyacha kufuma kaskazinyi, mbari ya wandu iwadie ndighi, na wazuri wengi wanyavurika kufuma andu kuko kula kwa ndoenyi.

JEREMIA 50:9

Zighanenyi, nicharinyavurisha iro mbari nyingi ra wandu wiche kufuma kaskazinyi kulwa na Babuloni, wichakuboisa weni kwa wuda aighu ya Babuloni, na aho wichaghuwada ugho muzi. Mawanu ghawo gheeka sa wandu mang'oni wiko na akili, wisewuyagha mikonu miduu.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

EZEKIELI 1:4

Na iji nerekoghe ngizighana, ngawona kiremba kibaa cha mbeo chikiweta chia ra kaskazinyi, na iwingu ibaa jiko na mwengere ghujimarie chia rose; na modo ghukikumba lumu ngelo rose, na ghadi na ghadi ya ugho modo, kilambo chimu cherekoghe chiking'ala-ng'ala sa shaba.

EZEKIELI 24:3

Deda mfwano ughu kwa wandu welegha kuwizere, Bwana MLUNGU waghamba huwu: Wikiria nyungu modonyi kuichure machi.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.