JEREMIA 1:11 - Biblia Ilagho Jiboie Kwa Wandu Wose

¹¹ Niko BWANA ukaghora nani ukinizera, “Jeremia, niki kwawuyachiwona?” Nani ngaghamba, “Naawuyawona lumbashu lwa mlozi.”

JEREMIA 1:11 ပူးပေါင်းရင်းမြစ်များ

KUZOYA 30:37

Nao Jakobo ukadema vangu va midi mmbishi ya vichuku vidadu ukaikonua zaria-zaria ipate kuwonyera zaria ra chokwa.

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

JEREMIA 24:3

BWANA ukanizera, “Jeremia, kwawuyawona kii?” Ngatumbulia, “Naawuyawona tini riboie nandighi na tini rizamie nandighi rizamie hata isedimikagha rijike.”

EZEKIELI 12:25

Ela ini BWANA nichadeda ijo ilagho nikunde kujighora, najo jichakatishwa. Ndejichaamuka, ela jichakatishwa matuku ghenyu ee wandu welegha; nichadeda ilagho na kujikatisha. Ini Bwana MLUNGU naghamba.”

EZEKIELI 12:28

Kwa huwo kuwizere, Ini Bwana MLUNGU naghamba huwu, Ndekuwadie ilagho jingi japo jichaamuka sena, ela kula ilagho nawuyaghora jichakatishwa. Ini Bwana MLUNGU naghamba.”

EZEKIELI 7:10

“Zighana ijo ituku! Ola hejo jiacha! Mashaka ghako ghameria kucha, hachi yasoweka, lubando lwawoneka worinyi.

AMOSI 7:8

Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

AMOSI 8:2

Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi.

ZEKARIA 4:2

Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.

ZEKARIA 5:2

Malaika ukanikotia ngera niki nawuyawona. Ngamtumbulia, “Naawuyawona chuo chiburukagha; wulacha ghwaro meta ikenda na wushapa ghwaro meta inya na nusu.”

MITALO 17:8

Nakesho yaro, Musa orengirieghe Hemenyi; ukawona mzata ghwa Haruni ugho ghorekoghe kwa wundu ghwa kichuku cha Lawi, ghufunyire malemba; ghukashekera, na kuva matunda ghiwurue gha mlozi.