JEREMIA 1:10 - Biblia Ilagho Jiboie Kwa Wandu Wose

¹⁰ Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 1:10 ပူးပေါင်းရင်းမြစ်များ

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 19:17

Mundu uchaafufunuka usebwaghilo ni Hazaeli, uchabwaghwa ni Jehu; na uo uchaafufunuka usebwaghilo ni Jehu, uchabwaghwa ni Elisha.

MCHILI 3:3

ngelo ebwagha na ngelo ekira; ngelo evuchua na ngelo eagha;

JEREMIA 1:5

“Nerekumanyireghe imbiri nisekuumbie kifunyi, na imbiri kusevalo, nerekusaghueghe; nerekuwikieghe kukaie mlodi wa iro mbari ra wandu.”

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JEREMIA 25:13

Nichaghikatisha malagho ghose nereghighorieghe aighu ya Babuloni, ee, kula ilagho jiandikilo andenyi ya ichi chuo seji Jeremia orefunyireghe wulodi aighu ya mbari rose.

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

JEREMIA 31:40

Vololo yose, andu wafu wirikwagha na andu maivu ghidaghwagha, na mbuwa rose riko hata kamoda ka Kidroni, cha mashariki, ichabonywa ikaie ya wueli kwapo; ugho muzi jingi ndeghuchaachikanywa hata kunonwa.”

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

JEREMIA 45:4

“Ola naawuyachikanya agho nereghiaghieghe, na kukua ivo nereviwaeghe isangenyi kose.

EZEKIELI 21:19

“Mwana wa mdamu, wonyera chia iwi, iro mzuri wa Babuloni ucheriagha naro na lufu lwake. Chia rose iwi richazoia isanga jimweri; kubonye vibau vewonyera andu rizoiagha rikighenda cha mzinyi.

EZEKIELI 23:36

BWANA ukanizera, “Mwana wa mdamu, welee, kuchamtanya Ohola na Oholiba? Basi kuwighorie wuchafu ghawo.

EZEKIELI 32:18

“Mwana wa mdamu, lilia wandu wengi wa Misri. Kuwisere wandu waro, na wandu wa mbari wikumikie, noko ndonyi cha wurumwengu ghwa wafu, chiaimweri na wandu awo wiseagha cha kinenyi.

EZEKIELI 36:36

Aho niko iro mbari ra wandu risigharikie rimmarie chia rose richamanya kukaia ini BWANA, namerie kuiagha iyo mizi, na kuibonya iyo mizi eresighiloghe miduu ikailo ni wandu. Ini BWANA najighora ilagho iji, nani nichajikatisha.”

EZEKIELI 43:3

Agho mawono nereghiwonieghe gherekoghe sa ghaja nereghiwonieghe ingelo Mlungu orechagha kughunona muzi ghwa Jerusalemu, na sa ghaja nereghiwonieghe modenyi ghwa Kebari; niko ngaghwa kiwushu-wushu.

HOSEA 6:5

Iyo niyo sababu nidumie walodi konyu na ilagho jetanya na kutotesha. Agho nighikundagha gheko worinyi konyu.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”