JAKOBO 5:5 - Biblia Ilagho Jiboie Kwa Wandu Wose

⁵ Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.

JAKOBO 5:5 ပူးပေါင်းရင်းမြစ်များ

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ZABURI 73:7

Wabandie hata wikafumwa ni meso; ngolo rawo reechulwa ni wukelu.

MAKATANISHO 17:1

Ni baa kuja lukoko lwa mkate ghuomie na sere, kuchumba karamu andenyi ya nyumba ichue marashano.

MAKATANISHO 7:14

“Nafunya vizongona va maghemi ghapo idime; neko na nyama yaro nyumbenyi.

MCHILI 11:9

Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 3:16

BWANA ukaghamba, “Waka wa Jerusalemu wakukasa, wikighenda na singo righorokie, wikizighana na meso ghiko na bea, wikighenda wikukasire, na njugha rikideda maghunyi kwawo,

ISAYA 47:8

“Idana sikira oho kukundagha maseko, oho kukaiagha kidombo kwa sere kukighesha, ‘Ni ini moni, hata ndekuwadie ungi unichumbie; sichaasea kidombo sa muka ufuilo, hata sichaamanya kusowekelwa ni wana anduangi.’

ISAYA 56:12

Wazerana weni na weni, ‘Choonyi, dinyo divei; dipate kukoja chofi ibirie; kesho dichawuria kunywa kuchumba idime.’”

JEREMIA 12:3

Ela oho BWANA kwaniichi, oho kwadaniwona na kunitima seji nikuichi oho. Wifunye noko sa ng'ondi riendaabwaghwa, kuwiwike kula kwa ituku jawo jebwaghwa.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

EZEKIELI 16:49

Ola ughu nigho wuwiwi ghorebonyeroghe ni mwanyinyu wa waka Sodoma chiaimweri na mizi yake: werekukasireghe wikakaia na lwafuo lwa vindo wikija na kunywa na kuhoresha; hata ndeweretalieghe wakiwa, na awo weresowieghe.

EZEKIELI 39:17

“Na oho ee mwana wa mdamu, Bwana Mlungu wakuzera huwu: Zera nyonyi ra mbari rose na nyamandu ra mlambenyi rikwanyike kufuma andu kose, riche karamunyi ya kizongona nawuyaibonya kwa wundu ghwawo; kizongona kibaa nandighi nichaachibonya aighu ya mighondi ya Israeli; naro richaja nyama, na kunywa bagha.

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

WAROMA 13:13

Ndedighende nicha seji dighendagha na dime; si kwa lwafuo na kuwongia, si kwa kulaka na kushughunuka, si kwa kurashana na iriso,

1 TIMOTHEO 5:6

Ela uo unughagha bea rake reni, wafue hata ngera oko moyo.

2 TIMOTHEO 3:4

wa mikalo, wisetalagha, wibandilo ni chongo, wikunde maseko kuchumba kumkunda Mlungu;

2 PETRO 2:13

na kupata matiriro kwa wundu ghwa mabonyo ghawo ghizamie. Wadaboilwa ni kubonya karamu ra lwafuo nadime. Wachua maboli na makosa, nawo wareda maza ra waya iji warangana nenyo karamunyi konyu.

JUDA 1:12

Wandu awa weeka sa maboli gha wuchafu andenyi ya karamu renyu ra lukundo, wikijanya nenyo wisene waya, na kukukunda weni. Weeka sa mawingu ghisewadie machi, ghidukwaa-dukwa ni mbeo; ni sa midi isewadie matunda ngelo ya kimu cha matunda, iko seji eekulwa na kufwa putu.

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’

1 SAMUELI 25:36

Niko Abigaili ukawuya kwa Nabali, ukamkua ukija karamu nyumbenyi kwake, sa karamu ya mzuri. Nabali orekoghe wasikira raha ngolonyi kwake, angu orewongerieghe nandighi; na Abigaili nderemghorieghe ilagho jingi hata ndoe ikaela nakesho.

1 SAMUELI 25:6

Na inyo mcharoghua huwu; ‘Sere ikaie kwako, na kwa nyumba yako, na vose kuko navo.