JAKOBO 5:4 - Biblia Ilagho Jiboie Kwa Wandu Wose

⁴ Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

JAKOBO 5:4 ပူးပေါင်းရင်းမြစ်များ

KUZOYA 4:10

Aho BWANA ukamzera, “Kwabonya wada? Lwaka lwa bagha ya mwanyinyu lwawuyakema imbiri kwapo kufuma ndoenyi.

AYUBU 34:28

Washekerie wakiwa wikamlilia Mlungu, nao ukasikira kililo chawo.

AYUBU 7:2

Seji mzumba ulolagha kiju, na seji kibarua ulolagha mafungu ghake,

ZABURI 9:12

Mlungu wadawikumbuka awo wijagha wasi; ndeliwagha kililo chawo, nao wadawikaba awo wiwikorongagha.

KUFUMA 22:27

angu iyo niyo cheni nguwo yake ekufinikira; ni nguwo ekufinikira mumbi ghwake; ulala naki? Ukanililia nichasikira, angu niko wa wughoma.

KUFUMA 3:9

Na idana, ola kililo cha wandu wa Israeli chamerie kunivikia, nani namerie kuwona seji Wamisri wiwikorongagha.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

JEREMIA 22:13

“Ni bugha kwa mundu uaghagha nyumba kwa chia iseko ya hachi, na ghorofa rake kwa chia riseko ra hachi; uo umdumikishagha mmbao duu, usemlipagha malipo ghake;

WALAWI 19:13

“Kusakemkoronga mmbenyu angu kumuiwia; hata mafungu gha kibarua ghiselale mfukonyi kwako hata nakesho.

HABAKUKI 2:11

Igho jiko wurighenyi ghwa nyumba jichakulilia, na misumbati ya nyumba ichakaia ikidikia icho kililo.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 9:37

Ukawizera wanughi wake, “Mvono ni mungi, ela wabonyi kazi ni watini.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

WAROMA 9:29

Ni sa iji koni Isaya orezoeghe ukaghora, “Ngera Bwana wa majeshi useredisigharieghe kivalwa, kumangu daakaia sa Sodoma na kubonywa sa Gomora.”

WUKUMBUSO 15:9

Kulindie kusekaie na maghesho gheleghamtesia angu mwaka ghwa mfungade gholekia sile ghuko kaavui, ukamlilia BWANA kwa wundu ghwako, ichakaia ni kaung'a kwako.

WAKOLOSAI 4:1

Inyo weke bwana, wibonyerenyi wazumba wenyu ijo jiko ja karakara na ja hachi, mkimanya angu inyo wori moko na Bwana mlungunyi.