JAKOBO 5:20 - Biblia Ilagho Jiboie Kwa Wandu Wose

²⁰ ndemanye kukaia, mundu uo ose ummbunjagha mkaung'a ujisighe ikosa jake, uchamkira uo mkaung'a na kifwa, na kurifinikira kaung'a nyingi.

JAKOBO 5:20 ပူးပေါင်းရင်းမြစ်များ

ZABURI 32:1

Warasimilwa uo mundu ufuilo wughoma kaung'a rake, na kulekelwa makosa ghake.

MAKATANISHO 10:12

Kuzamiana kwadareda nganyi, ela lukundo lwadafuya wughoma makosa ghose.

MAKATANISHO 10:2

Mali ishamilo kwa wuwiwi, ndeiredagha fwaida; ela hachi yadakira na kifwa.

MAKATANISHO 11:30

Mabonyo gha mhachi ghadareda irangi; kulegha sharia kwadareda kifwa.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

MAKATANISHO 17:9

Mundu ufuyagha wughoma, wadakundwa ni wandu; kukumbuka makosa kwadanona wughenyi.

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

WAROMA 11:14

eri niwibonye wamzedu Wayahudi kukaia na iriso, na kwa chia iyo nikire wamu wawo.

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

1 WAKORINTHO 9:22

Kwa wanyonge, nerewurieghe sa mnyonge, eri niwipate wanyonge. Nawurie wa chia rose kwa wandu wose, eri niwikire wamu kwa chia iyo yose idimikagha.

1 TIMOTHEO 4:16

Kukulindie kumoni, sena kughilindie mafundisho ghako; kumaziriane nagho, angu kwa kubonya huwo, kuchakukira kumoni chiaimweri na awo wikusikiriagha.

FILEMONI 1:19

Ini Paulo, naandika malagho agha kwa mkonu ghwapo nimoni; nichalipa. Da ima niakughoria? Nechi kwaichi putu kukaia nakulawiagha hata nafsi yako wori.

JAKOBO 1:15

Iji bea yapata kifu, yadava kaung'a; na kaung'a ikazoghua putu, yadareda kifwa.

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

JAKOBO 5:15

Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.

JAKOBO 5:19

Wanidu, ngera mndungi aghadi konyu waisigha ija loli, na mndumu ummbunje,

1 PETRO 4:8

Na aighu ya rose, mduo na lukundo mmbeni na mmbeni lusesiagha, kwa kukaia lukundo lwafinikira wungi ghwa kaung'a.

WUFUNUO 20:6

Mrasimilwa na mweli ni uo uko andenyi ya uko kuruka kwa imbiri. Kwa wandu awo, icho kifwa cha kawi ndechiwadie ndighi ringi anduangi; ela wichakaia wakohani wa Mlungu na wa Kristo, nawo wichabonya nguma andwamweri nao, miaka elfu.