JAKOBO 5:15 - Biblia Ilagho Jiboie Kwa Wandu Wose

¹⁵ Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.

JAKOBO 5:15 ပူးပေါင်းရင်းမြစ်များ

ISAYA 33:24

Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

JOHANE 5:14

Konyuma Jesu ukamkua uja mundu Hekalunyi, ukamzera, “Ola kwaboisiro, lindia kusebonye kaung'a sena kuchepatwa ni ilagho jizamie kuchumba jija.”

JOHANE 6:39

Na lukundo lwake Uo orenidumieghe nilo ulu: niselaghashe hata umweri wa awo oreninekieghe, ela niwirukishe Ituku ja kutua mbai.

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

2 WAKORINTHO 4:14

dikimanya angu uo oremrukishireghe Bwana Jesu, uchadirukisha isi wori andwamweri na Jesu, na kudireda imbiri kwake andwamweri nenyo.

JAKOBO 1:6

Ela ndelombe kwa irumirio, kuseko na ngera ingi, angu uo uko na ngera wafwanana na mivo-mivo ya bahari ighenjwagha na kukumbwa-kumbwa ni mbeo.

JAKOBO 5:13

Wele mndungi wawuyatiririka aghadi konyu? Ndelombe kwa Mlungu. Mndungi oko na kuboilwa? Ndebore makaso.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

JAKOBO 5:20

ndemanye kukaia, mundu uo ose ummbunjagha mkaung'a ujisighe ikosa jake, uchamkira uo mkaung'a na kifwa, na kurifinikira kaung'a nyingi.