JAKOBO 4:8 - Biblia Ilagho Jiboie Kwa Wandu Wose

⁸ Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

JAKOBO 4:8 ပူးပေါင်းရင်းမြစ်များ

KUZOYA 18:23

Nao Abrahamu ukasoghoda kaavui na BWANA ukaghamba “Welee, kuchawitotesha wahachi andwamweri na wawiwi anguwada?

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

AYUBU 16:17

ela sena sikabie mndungi, na malombi ghapo kwa Mlungu ghaelie.

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

AYUBU 9:30

Hata nikuoghoshe na machi ghielie, na kuelesha mikonu yapo na sabuni,

ZABURI 119:113

Nadazamilwa ni waji kuwi, ela naikunde sharia yako.

ZABURI 145:18

BWANA oko kaavui na wose wimmbangiagha, awo wose wimmbangiagha kwa loli.

ZABURI 18:20

BWANA wanilipie mecha kunughana na hachi yapo, ukanilipa kwa kukaia nisewadie ikosa jingi.

ZABURI 24:4

Ni mundu usebonyagha kiwiwi, uko na ngolo ielie; usetasagha milimu, hata kughema kwa tee.

ZABURI 26:6

Naogha vala vapo kuwonyera siwadie ikosa, nipate kuendatasa madhabahunyi kwako, ee BWANA.

ZABURI 51:10

Kuniumbie ngolo ielie andenyi kwapo ee Mlungu; kuningire roho mbishi ya loli.

ZABURI 73:13

Needuakuelesha na kuleghabonya kaung'a duu.

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

ISAYA 13:15

Mundu uo ose uchaawonwa na kuwadwa uchadungwa na lufu hata ufo.

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

JEREMIA 4:11

Ngelo yawuyacha, na wandu wa Jerusalemu wichazerwa, “Kiremba cha modo chichaweta kwawo kufuma kireti. Ndechichaakaia kiremba chiboie cheela masemu,

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

KILILO CHA JEREMIA 3:57

Korenitumbulieghe kukanizera niseobuo.

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

ZEKARIA 1:3

ela idana namzera, ‘Niwurienyi ini nani nichammburia.

MALAKI 3:7

Mwaghalukie mkarisigha sharia rapo sa weke ndeyo werekoghe imbiri konyu, hata ndemoreriwadieghe anduangi. Wuyenyi kwapo nani nichammburia. Ela mwaawuyakotia, ‘Dibonya wada ima dikuwurie?’

MATHAYO 12:33

“Mudi ghukakaia ghuboie na matunda ghake ghichakaia ghiboie, ela ghukakaia ghuzamie na matunda ghake ghichakaia ghizamie wokoni. Angu mudi ghwadamanyika kwa matunda gharo.

MATHAYO 15:2

“Kwaki wanughi wako wisenughagha mizango diipatire kwa weke wawa? Ndewioghoshagha mikonu yawo seji ifwanagha ngelo eja vindo.”

MATHAYO 27:24

Nao iji Pilato wawona angu ndedimagha kubonya ilagho jingi, na seji nganyi yadima kuzoya, ukawusa machi na kuoghosha vala vake imbiri ya izungu jose ukighamba, “Ini naela kufumanya na bagha ya mundu uhu, agho mughizighane mmbeni.”

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

JAKOBO 1:8

angu mundu wa nia iwi, ndemangagha kwa chia rake rose.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

1 JOHANE 3:3

Na kula mundu wawuyamsuwiria huwo, wakuelesha moni sa iji koni Kristo uelie.

1 SAMUELI 14:35

Sauli ukamuaghia BWANA madhabahu, nayo erekoghe madhabahu yake ya imbiri oremuaghieghe BWANA.