JAKOBO 4:5 - Biblia Ilagho Jiboie Kwa Wandu Wose

⁵ Angu muaghesha wei Maandiko Ghielie ghiaghora duu agho ghighambagha, “Waabonya iriso kwa wundu ghwa uo Roho um'bonyere kukaia andenyi kodu.”

JAKOBO 4:5 ပူးပေါင်းရင်းမြစ်များ

KUZOYA 26:14

Orekoghe na ng'ondi, na mfugho na wadumiki wengi, hata Wafilisti wikammbonia iriso.

KUZOYA 30:1

Nao iji Raheli orewonieghe angu uo nderemvaieghe Jakobo wana wangi, ukammbonia mruna iriso, ukamzera Jakobo, “Nineke wana! Si huwo nifo noko!”

KUZOYA 37:11

ela ndee ukakaia ukighiririkanya agho malagho.

KUZOYA 38:9

Ela Onani angu oremanyireghe kivalwa ndechichaawangwa kwa irina jake, ngelo orekanyeghe na mka mruna, ukaridiria mbeu rake andonyi, eri usechemneka mruna kivalwa.

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

ZABURI 106:16

Werewadiloghe ni iriso ja Musa kireti, na Haruni uo mdumiki wa BWANA uelie.

ZABURI 37:1

Kusakesumbuka kwa wundu ghwa wandu wawiwi; kusewado ni iriso ja wandu wibonyagha makosa.

MAKATANISHO 21:10

Mundu mmbiwi wadakunda wuwiwi; ndena wughoma na mmbao.

MCHILI 4:4

Wokoni nawonie kukaia kufunga ndighi kose, na wuya ghose ghwa kazi, ghwadashekerelwa ni mundu kukaia na iriso na mmbao. Iri naro ni maza ra duu; ni sa kulwa na mbeo.

ISAYA 11:13

Iriso ja Israeli jichasia, na wamaiza wa Juda wichainjwa; Israeli ndechaammbonia Juda iriso, na Juda ndechaamsumbua Israeli.

MITALO 11:29

Ela Musa ukamzera, “Kwawadwa ni iriso wulalo ghwa ini? Nawonagha nicha ngera Roho wa BWANA wadawiseria wandu wake wose wikaie walodi.”

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

JOHANE 10:35

Ikakaia orewiwangieghe milungu awo werenekeloghe malagho gha Mlungu (na maandiko ndeghidimagha kuchikanywa anduangi),

JOHANE 19:37

Na sena seji maandiko ghaghora andu kuzima, “Wandu wichamzighana uo weremdungieghe.”

JOHANE 7:42

Maandiko ndeghighorie angu Kristo uchafuma kwa kivalwa cha Daudi na kuvalwa Bethlehemu muzi orekaieghe Daudi?”

MABONYO GHA WADUMI 7:9

“Nao weke wawa wikam'bonyera iriso Josefu wikamuuza Misri; ela Mlungu orekoghe andwamweri nao,

WAROMA 1:29

Wikachulwa ni kula mbari ya wuwiwi; lubando, choyo, na kukita. Wachue iriso, kubwagha, kurashana, wukalo, kuzamiana; na kudedana.

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

1 WAKORINTHO 6:19

Wele ndemmanyire mimbi yenyu ni hekalu ya Roho Mweli ukaiagha andenyi konyu, uo mumpatire kufuma kwa Mlungu? Nenyo ndemuko wenyu weni anduangi.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WAGALATIA 3:8

Na maandiko ghikizoya kuwona seji Mlungu uchaawitala wandu wa mbari zima kukaia na hachi kwa irumirio, gherezoeghe kumchilia Abrahamu ghikighamba, “Mbari rose richarasimilwa kufumanya na oho.”

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.