JAKOBO 4:4 - Biblia Ilagho Jiboie Kwa Wandu Wose

⁴ Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

JAKOBO 4:4 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ZABURI 21:8

Uchawiwada wamaiza wake wose kwa ndighi rake; uchawiwada awo wose wizamilwagha ni uo.

ZABURI 50:18

Kukawona kitoi, kwadarumiriana nacho; na oho kwadawadana na walaki.

ZABURI 73:27

Awo wikuleghagha, loli wichatota; na awo wiseko waloli kwako, kuchawisaghisa.

ISAYA 57:3

Ela soghodenyi aha, inyo wana wa muka msawi, na kivalwa cha walaki na malaya.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

EZEKIELI 16:32

Muka mlaki oho, kuselagha na waghenyi wulalo ghwa mumi wako!

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

MATHAYO 12:39

Nao ukawitumbulia, “Kivalwa cha wuwiwi na kulaka chialola mwakilimbiti, ela ndechichaanekwa mwakilimbiti kuchumba uo wa mlodi Jona.

MATHAYO 16:4

Kivalwa cha wuwiwi na kulaka chialola mwakilimbiti, nacho ndechichaanekwa mwakilimbiti ungi, ela uja moni wa Jona.” Nao ukawisigha ukaghenda chia yake.

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

JOHANE 15:19

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.

JOHANE 17:14

Nawinekie ilagho jako, wikazamia wurumwengu, angu wiseko wa wurumwengu; seji ini wori niseko wa wurumwengu anduangi.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

1 WAKORINTHO 1:20

Idana mundu wa hikima oko hao? Oko hao mwalimu wa Sharia? Oko hao fundi wa malagho wa matuku agha? E hoku Mlungu umerie kuwonyera wori hikima ya wurumwengu ughu kukaia ni wukelu?

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

WAGALATIA 1:10

Wele naawuyakunda kukaswa ni wandu, angu ni Mlungu? Anguu, huwu naawuyatima kuwiboia wandu? Ngera nadadua ngiwiboia wandu, kumangu seredimagha kukaia mdumiki wa Kristo anduangi.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.