JAKOBO 4:16 - Biblia Ilagho Jiboie Kwa Wandu Wose

¹⁶ Ela seji iko, inyo mwaawuyakukasa kwa lung'eto lonyu. Kukukasa kose sa uku, kwazamie.

JAKOBO 4:16 ပူးပေါင်းရင်းမြစ်များ

ZABURI 52:1

Kwaki kukukasagha na wuwiwi ghwako ee mundu kuwadie ndighi, kukighamba wei lukundo lwa Mlungu ni lwa matuku ghose aighu kwako?

ZABURI 52:7

“Wonenyi mundu uleghie kum'bonya Mlungu ukaie andu kwake kokimbiria; ukadakusaghika na wungi ghwa mali rake, na kukusaghika na wuwiwi ghwake.”

MAKATANISHO 25:14

Mundu ulaghiragha inosi usejifunyagha, ooka sa mbeo ya mawingu ghisewadie vua.

MAKATANISHO 27:1

Kusakekukasa na maza ra kesho, angu ndekumanyire agho ghichaabonyeka aghadi ya idime na kesho.

ISAYA 47:10

“Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

1 WAKORINTHO 5:6

Kukukasa konyu ndekuboie. Wele ndemmanyire chachu ndini yadawurusha idonge jose ja mufu?

JAKOBO 3:14

Ela ikakaia ngolo renyu reechua iriso ibaa, na kukukunda mmbeni, msakekukasa mkighora tee aighu ya ija loli.

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’