JAKOBO 4:11 - Biblia Ilagho Jiboie Kwa Wandu Wose

¹¹ Msakedediana kiwiwi mmbeni na mmbeni wanidu. Uo umzughunukiagha mruna angu kumtanya waaghora kiwiwi aighu ya Sharia, na kuitanya Sharia. Na kukaitanya Sharia, ndekuwueisikira; ela kwaawuya mtanyi waro.

JAKOBO 4:11 ပူးပေါင်းရင်းမြစ်များ

ZABURI 140:11

Mzighirii usewone nicha isangenyi; mng'eti ndepato ni wuwiwi shwa.

LUKA 6:37

“Msaketanya, nenyo ndemchaatanywa anduangi, msakelaumu, nenyo ndemchaalaumilwa anduangi; lekenyi wandu makosa, nenyo mchalekelwa;

WAROMA 2:1

Kwa huwo ndekuwadie ilagho jingi jekudederia ee mdamu, hata ngera koko ani, iji kwamtanya mzima; angu kwa kumtanya, kwaakutanya kumoni; kwa kukaia oho kutanyagha kwadabonya maza iro reni.

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

WAROMA 7:7

Da dighora wada? Wei Sharia ni kaung'a? Hata kutini! Angu wei si Sharia, seremanyagha kaung'a. Seremanyagha kubonya iriso niki, ngera Sharia isereghorieghe, “Kusakebonya iriso”.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 12:20

Angu naobua kewada yadimika ngacha konyu nimkuo seji nisekunde, na inyo muniwone seji msekunde; na kewada koko kurashana, iriso, machu, wusu, kusimana, kudedana, sheshe, kukukasa na nganyi.

WAEFESO 4:31

Kubia kose, makai, machu, nganyi, kuzighiria, na mawiwi ghose, mtane nagho putu;

1 TIMOTHEO 3:11

Waka wori suti wikaie wa loli, wisekaie wezighiria, ela wikaie wikumaziragha weni, wiko waloli kwa maza rose.

2 TIMOTHEO 3:3

wisene wughoma; wichakaia wa machu, wizighiriagha, walaki, wibirie, wizamilwagha ni nicha,

TITO 2:3

Kuwilaghire wakeku wokoni wikaie na tabia ra ishima; wisakekaia wazighirii, angu wazumba wa chofi. Wifundishe agho ghiko mecha,

JAKOBO 1:16

Msakekalilwa wanidu nimkunde.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 1:25

Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

JAKOBO 2:8

Kamanya loli inyo mwawuyaikatisha ija sharia ya kiwuzuri, kunughana na Maandiko Ghielie, “Kumkunde mmbenyu seji koni kukukunde kumoni,” ni nicha.

JAKOBO 5:10

Wanidu wadenyi mfwano ghwa walodi, awo werekoghe wikighora kwa irina ja Bwana, ghukaie fwana ya matiriro na kurumaghia konyu.

JAKOBO 5:7

Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.

JAKOBO 5:9

Msakezughunukiana mmbeni na mmbeni wanidu, mchetanywa. Olenyi Mtanyi oko kimusi minyangonyi.

1 PETRO 2:1

Kwa wundu ugho, injenyi na mbai wuwiwi ghose, wukalo ghose, kusowa wuloli, iriso, na kuzighiria kose.