JAKOBO 4:10 - Biblia Ilagho Jiboie Kwa Wandu Wose

¹⁰ Mkusere mmbeni imbiri ya Bwana nao uchamjosa inyo.

JAKOBO 4:10 ပူးပေါင်းရင်းမြစ်များ

2 MALAGHO GHA NGELO 7:14

wandu wapo winitasagha wikakusera na kulomba, wikinilola na kuhea mawiwi ghawo, nichasikira aighu mlungunyi, na kuwifuya wughoma kaung'a yawo, na kujibonya isanga jawo jikaie nicha.

AYUBU 22:29

Mlungu wadawisera awo wikujosagha, na kuwikira awo wikuseragha.

AYUBU 5:11

Wadawijosa wandu wiko ndonyi, na awo wililagha wadawiwusira na kuwiwika banana.

ZABURI 113:7

Wadammbusira mkiwa kufuma terinyi, na kumjosa uo usowagha kufuma wasinyi,

ZABURI 147:6

BWANA wadawiwusira awo wighushiro, na kuwikumba wawiwi andonyi.

ZABURI 27:6

Idana nichawisima wamaiza wapo winimarie chia rose; nani nichamfunyira BWANA vizongona Hekalunyi kwake ngibora kwa kuboilwa; nicham'boria BWANA, na kumkasa.

ZABURI 28:9

Kira wandu wako ee BWANA, kujirasimie ifwa jako; kukaie mlisha wawo, kuwidukeghe matuku ghose.

ZABURI 30:1

Nakukasa ee BWANA kwa kunikira, hata ndekuwisighie wamaiza wapo wizume aighu yapo anduangi.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

EZEKIELI 21:26

Ini Bwana MLUNGU naghamba huwu, Inja kiremba kufunye kirumbu, kwa kukaia maza nderichaakaia seji rerekoghe; kumjose uo orekoghe ndonyi, na kumsera uo orekoghe ighu.

MATHAYO 23:12

na uo ose ukujosagha moni uchaserwa, ela uo ose ukuseragha moni uchajoswa.

LUKA 1:52

Awo wibonyagha nguma wawiinja vifumbinyi kwawo, na kuwijosa awo wikuserie.

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

1 SAMUELI 2:7

BWANA wadawiwunja wandu wakiwa, sena wadawiwunja wazuri; wadawisera wandu na kuwijosa sena.

1 SAMUELI 2:9

“Uchawilongoza wandu wake wa loli, ela wawiwi wichalagharia kirenyi; angu mundu ndechaadima kusima kwa ndighi anduangi.