JAKOBO 4:1 - Biblia Ilagho Jiboie Kwa Wandu Wose

¹ Niki chawuyareda wuda na kulwa aghadi konyu? Si iyo mirudo ya bea renyu ibonyagha wuda vienyi konyu?

JAKOBO 4:1 ပူးပေါင်းရင်းမြစ်များ

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

WAROMA 7:23

ela nawuyawona Sharia zima mumbinyi kwapo, ikibonya wuda na ija sharia iko andenyi ya akili rapo; nayo yanidwa wunyika cha sharienyi ya kaung'a, iyo ikaiagha andenyi ya mumbi ghwapo.

WAROMA 7:5

Iji derekoghe dikinugha maza ra mumbi, bea redu ra kaung'a rerewusiriloghe ni Sharia, naro rikabonya kazi andenyi ya via vedu, hata rikareda mavalo gha kifwa.

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

WAGALATIA 5:17

Angu bea ra mumbi radaleghana na Roho, na bea ra Roho radaleghana na mumbi; kwa kukaia radasimana reni na reni, hata ndemdimagha kubonya seji mkunde anduangi.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

2 TIMOTHEO 2:23

Kurileghe nganyi ra wukelu, risewadie akili, kukimanya angu radareda kurashana.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

TITO 3:9

Ela kuriinjikie na mbai nganyi ra wukelu, maandiko gha vichuku, kurashana, na kusimana kwa Sharia; iro nderine fwaida, ni maza ra duu.

JAKOBO 1:14

kwa kukaia, kula mundu wadatimwa iji wakalilwa na kurudwa ni bea rake moni.

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.

1 PETRO 1:14

Sa wana wisikiragha, msakekufwananisha na bea ra imbiri ra kusowa kumanya konyu.

1 PETRO 2:11

Namvoya wakundwa, inyo sa waghenyi na wandu weida, mkutanye na bea ra mumbi, iro ribonyagha wuda na roho renyu.

2 PETRO 2:18

Angu, wikideda madedo gha kukukasa gha wukelu, wawiruda kwa bea rawo ra wulaki wandu wimerie kufufunuka kafwani kufuma kwa awo wikaiagha makosenyi.

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,