JAKOBO 3:2 - Biblia Ilagho Jiboie Kwa Wandu Wose

² Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

JAKOBO 3:2 ပူးပေါင်းရင်းမြစ်များ

1 WAZURI 8:46

“Wandu wako wikakubonyera kaung'a, (angu ndekuwadie mndungi usebonyagha kaung'a), na kwa wundu ghwa machu ghako kuwisighe wisimo ni wamaiza wawo, na kudwalwa wunyika cha isanga izima jiko kula,

2 MALAGHO GHA NGELO 6:36

“Iji wandu wako wakubonyera kaung'a, (angu ndeuko mndungi usebonyagha kaung'a,) na oho kuwibonyere machu, na kuwibonya wisimo ni wamaiza wawo hata widwalo wunyika isanga ja kula angu ja kaavui,

AYUBU 15:13

Nao kodekaiagha na machu na Mlungu hata kufunyeghe malagho ghizamie huwo momunyi kwako!

ZABURI 34:13

Basi kukulindie kusedede kiwiwi, hata kughora tee ingi.

ZABURI 39:1

Nereghambieghe, “Nichakulindia nisebonye kaung'a, kwa madedo ghapo; nichanyama kima ngelo rose wawiwi wiko kaavui nani.”

MAKATANISHO 10:19

Malagho ghikakaia mengi, ndeghisowagha kaung'a; mundu usededagha malagho mengi oko na hikima.

MAKATANISHO 13:3

Mundu ulindiagha madedo ghake, wadalindia irangi jake; mundu wa malagho mengi, wadanoneka.

MAKATANISHO 20:9

Nani udimagha kughamba, “Naelie, siwadie kaung'a?”

MAKATANISHO 21:23

Mundu umaziriagha lumi lwake na momu ghwake uchakutanya na malagho.

MCHILI 7:20

Ndekuwadie mhachi ungi ndoenyi ubonyagha hachi iekeri jingi usebonyagha kaung'a.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

WALAWI 13:39

mkohani uchamzighana. Ikakaia alama riko mumbinyi kwake ni ra mshashu-mshashu, iyo ni uba ibukagha mumbinyi kwake, uchakaia uelie.

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 12:37

Angu kwa madedo ghako kuchanekwa hachi, na kwa madedo ghako kuchatanywa.”

WAROMA 3:10

sa iji koni iandikilo, “Ndekuwadie mndungi uko mhachi, ndeko hata umweri;

WAROMA 7:21

Kwa huwu nawuyawona Sharia ihi: kukaia ingelo nikundagha kubonya nicha, niakua ngibonya kiwiwi.

1 WAKORINTHO 9:27

ela naghubwaghishira mumbi ghwapo na kughumazira; isechekaia nyuma ya kuwichilia wazima, ini moni nilegho.

WAGALATIA 3:22

Ela maandiko ghaawuyaghora kukaia wurumwengu ghose ghooka kaung'enyi, eri icho cherelaghiriloghe kwa irumirio jiko andenyi ya Jesu Kristo, chipate kunekwa awo wirumiriagha.

WAGALATIA 5:17

Angu bea ra mumbi radaleghana na Roho, na bea ra Roho radaleghana na mumbi; kwa kukaia radasimana reni na reni, hata ndemdimagha kubonya seji mkunde anduangi.

WAKOLOSAI 1:28

Uo dawuyamchila dikiwonyera, na kumfundisha kula mundu kwa hikima yose, eri dimrede kwa Mlungu kula mundu wameria kuzoghua andenyi ya Kristo.

WAKOLOSAI 4:12

Epafra mumzenyu, nao ni mdumiki wa Kristo Jesu, wamroghua. Wawuyamlombia nandighi ngelo rose, mkaie wandu mzoghue mmangishiro, muichi putu ulo lukundo lose lwa Mlungu.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

JAKOBO 1:26

Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

JAKOBO 1:4

Na uko kumanga kukaie kukate, nenyo mpate kukaia mkate putu, msesowagha kindo chingi.

JAKOBO 2:10

Angu mundu uo ose uiwadiagha Sharia yose nao ulemo ni imu, uchakaia mkosi wa iyo Sharia yose.

1 PETRO 3:10

Angu, “Uo ujikundagha irangi na kukunda kuwona nicha, ulindie lumi lwake lusedede kiwiwi, na momu ghwake ghuseghore wukalo ghungi.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.