JAKOBO 3:17 - Biblia Ilagho Jiboie Kwa Wandu Wose

¹⁷ Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

JAKOBO 3:17 ပူးပေါင်းရင်းမြစ်များ

1 WAZURI 3:12

ola nichakubonyera kunughana na malombi ghako. Nichakuneka hikima na akili emanya, mndungi usekaie nayo hata usechaakaia nayo nyuma ya oho.

1 WAZURI 3:28

Israeli yose ikasikira seji mzuri watanya, wikaishinikia hikima ya mzuri; wikamanya kwa loli kukaia Mlungu wamnekie hikima upate kutanya kwa hachi.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

1 MALAGHO GHA NGELO 22:9

Ola kuvailwa mwana, nao uchakaia mundu wa sere. Nichamneka kukaia na sere na wamaiza wako mbai mbai kose na uo moni uchawangwa Solomoni; na ngelo ya matuku ghake, nichawineka Waisraeli kukaia na sere na kuhora.

AYUBU 28:12

“Ela hikima iwonekia hao? Na kumanya kufuma hao?

AYUBU 28:23

“Mlungu uekeri nuo uichi chia yaro, nuo uichi andu hikima iwonekagha.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

KUFUMA 36:2

Nao Musa ukammbanga Bezaleli na Oholiabu chiaimweri na wandu wose BWANA orewinekieghe wudimi, awo werekoghe na ngolo etesia, ukawizera wizoe kazi.

MAKATANISHO 2:6

BWANA nuo unekagha hikima; kumanya na kutambukilwa kwadafuma kwake.

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

DANIELI 1:17

Mlungu ukawineka awa wandu wa irika bana hikima na kumanya kokufundisha; ukamneka Danieli kumanya, kutambua mawono, na ndodo rose.

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MALAKI 3:3

Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

MATHAYO 23:28

Ni huwo koni na inyo, cha shighadi mwawoneka kwa wandu kukaia wecha, ela kondenyi, mo waji-kuwi na kuchulwa ni mawiwi.”

MATHAYO 5:8

Warasimilwa awa wielie ngolonyi kwawo, angu awo wichammbona Mlungu.

MATHAYO 5:9

Warasimilwa awa wipatanishagha wandu, angu awo wichawangwa wana wa Mlungu.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

LUKA 6:36

Mkaie na wughoma sa iji Ndeyo onyu uko na wughoma.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

MABONYO GHA WADUMI 11:24

Barnaba orekoghe mundu mucha, uchue Roho Mweli na irumirio. Wandu wengi wikachuria kumrumiria Bwana.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

WAROMA 12:18

Timenyi seji mdimagha kukaia na sere na wandu wose.

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

WAROMA 15:14

Wanidu, ini moni namanya loli seji mchue wucha, na kumanya kose, nenyo mwadima kuwonyerana mmbeni na mmbeni.

1 WAKORINTHO 12:8

Mndumu oonekwa madedo gha hikima, mzima ukaanekwa madedo gha kumanya kwa uja Roho moni;

2 WAKORINTHO 10:1

Idana ini moni Paulo, niwonekagha wa mboa iji nikwanye nenyo, ela nibirie iji niko kula; namvoya kwa wumboa na nicha ya Kristo,

2 WAKORINTHO 6:6

Kwa kukaia na ngolo ielie, na kumanya, na kurumaghia luma, na kubonya nicha, na kuchulwa ni Roho Mweli, na lukundo lwa loli,

2 WAKORINTHO 7:11

Wonenyi seji uku kuwawa komzighana Mlungu kumredie kufunga ndighi andenyi konyu; kwa kukuelesha, kwa kuwawa ni ngolo, kwa kuobua, kwa kukunda, kwa kukufunya, na kufunya adhabu. Mwakuwonyere mmbeni kukaia wandu msewadie ikosa jingi kwa kula chia aighu ya maza iro.

2 WAKORINTHO 9:10

Na Mlungu uo ufunyagha mbeu rewa kwa mlimi, na vindo veja, uchamneka na kurichuria mbeu renyu, mpate kukuwida kwa wungi kufumanya na hachi yenyu.

WAEFESO 5:9

(angu itunda ja mwengere jawoneka andenyi ya icho chose chiko chiboie, na hachi, na loli);

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

1 WATHESALONIKE 2:7

Ela derekoghe wa mboa aghadi konyu, seji kuwonagha mleli ukiwilindia wana wake.

1 TIMOTHEO 5:21

Nakulaghira imbiri ya Mlungu, na imbiri ya Kristo Jesu, na weke malaika wisaghulo, kughiwadie malaghiro agha ghose, hata kusebonye ilagho jingi kwa kutala wandu.

2 TIMOTHEO 2:24

Na mdumiki wa Bwana, ndeimfwane ukaie orashana na wandu, ela yamfwana ukaie mucha kwa kula mundu; mwalimu wa loli, urumaghiagha

TITO 1:15

Vindo vose vaelie kwa uo uelie, ela ndekuwadie kindo chingi chielie kwa mundu mmbiwi userumiriagha; kwa kukaia akili na nia rawo reenoneka.

TITO 3:2

Wisakemghora mndungi kiwiwi, wisekaie werashana, wikaie wa mboa, na kuwonyera wucha ghose kwa wandu wose.

WAEBRANIA 12:11

Ingelo dikanilwagha dadawawa, wulalo ghoboilwa; ela konyuma, kukanilwa kose kwadareda matunda gha sere ghiko gha hachi kwa uo ufundishiro nako.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

JAKOBO 2:4

Welee, huwo ndamwabonya wuchumbano aghadi konyu na kukaia watanyi wiwadie maghesho mawiwi anguwada?

JAKOBO 3:15

Hikima iyo siyo ingi ifumagha mlungunyi, ela ni ya ndoenyi, iseko ya kiroho, nayo ni ya Ibilisi.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 PETRO 2:1

Kwa wundu ugho, injenyi na mbai wuwiwi ghose, wukalo ghose, kusowa wuloli, iriso, na kuzighiria kose.

1 PETRO 2:18

Inyo wadumiki, mkuwike aisi ya weke bwana wenyu kwa ishima jose. Si awo wiko wecha na wa mboa weni wiekeri, ela hata na awo wibirie wori.

1 JOHANE 3:18

Wanake watini, disakekaia na lukundo lwa madedo maduu, ela lwa mabonyo na loli.

1 JOHANE 3:3

Na kula mundu wawuyamsuwiria huwo, wakuelesha moni sa iji koni Kristo uelie.