JAKOBO 3:15 - Biblia Ilagho Jiboie Kwa Wandu Wose

¹⁵ Hikima iyo siyo ingi ifumagha mlungunyi, ela ni ya ndoenyi, iseko ya kiroho, nayo ni ya Ibilisi.

JAKOBO 3:15 ပူးပေါင်းရင်းမြစ်များ

2 SAMUELI 13:3

Ela Amnoni orekoghe na mghenyi wake uwangwagha Jonadabu mwana wa Shimea mruna Daudi; na Jonadabu orekoghe mundu ukalie loli-loli.

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 16:23

Matuku ghaja, Ahithofeli ukafunya mawoni, ghadawuswa seji ni ilagho ja Mlungu; kwa huwo mawoni gha Ahithofeli, nigho gherenughiloghe ni Daudi na hata Absalomu wori.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

MABONYO GHA WADUMI 13:10

ukaghamba, “Mwana wa Mmbiwi oho! M'maiza wa hachi yose, kuchue mikalo na mawiwi ghose; ndekulekagha kurinona chia ra Bwana righorokie?

WAROMA 1:22

Nawo wikighamba wei wawadie suku, wikawuya wakelu;

1 WAKORINTHO 1:27

Ela Mlungu orechisaghueghe icho chiwonekagha cha wukelu wurumwengunyi, uwonechifusha waya icho cha hikima; ukasaghua icho chisewadie ndighi wurumwengunyi, uwonechifusha waya icho chiko na ndighi.

1 WAKORINTHO 2:14

Mundu wa tabia ya asili, ndedimagha kughiwusa manosi gha Roho wa Mlungu, angu kwake ni wukelu; nao ndedimagha kughitambua anduangi, angu ghiatambulwa kwa chia ya Roho.

1 WAKORINTHO 3:19

Angu hikima ya wurumwengu ughu ni wukelu kwa Mlungu. Sa iji iandikilo, “Wawiwada awo wiko na hikima andenyi ya mikalo yawo.”

1 WAKORINTHO 3:3

Hata idana mwaduagha msevidimagha, angu mwaduagha mumbinyi. Ikakaia mduagha na iriso na kurashana, inyo si wa mumbi nndoki; e hoku mwaawuyabonya sa wandu wa wurumwengu!

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 11:3

Ela naobua angu mwadima kukalikia seji choka eremkalieghe Hawa kwa wukalo ghwake, nao mdime mwakusigha kuja kukufunya kwa loli kwa kuwadiana na Kristo.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

2 WATHESALONIKE 2:9

Uo Mleghi, ucharedwa ni ndighi ra Shetani, nao uchacha nandighi rose rebonya weke mwakilimbiti wa tee na mashiniko;

1 TIMOTHEO 4:1

Idana Roho waghora worinyi kukaia, matuku ghichagha wandu wamu wichajisigha ijo irumirio, na kusikira roho rikaliagha na mafundisho gha pepo;

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

JUDA 1:19

Awo niwo wandu wiredagha mwawaghanyiko, wandu wa wurumwengu wisemmbwadie uo Roho.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 2:24

Ela inyo msigharikie andenyi ya Thuatira, msewuenugha agho mafundisho, hata msekufundishire iro maza wamu wawuyariwanga maza riko ndenyi ra Shetani, namzera huwu: simdukishiragha msigo ghungi mzima anduangi,

WUFUNUO 9:11

Reko na mzuri aighu yawo, uo malaika wa kina cha abuso; irina jake kwa Kiebrania wawangwa Abaddoni na kwa Kigriki ni Apolioni.