JAKOBO 3:13 - Biblia Ilagho Jiboie Kwa Wandu Wose

¹³ Nani uko na hikima na suku aghadi konyu? Ndewonyere kwa irangi jake icha, iro kazi rake kwa wumboa ghwa hikima.

JAKOBO 3:13 ပူးပေါင်းရင်းမြစ်များ

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 107:43

Uo ose uko na hikima nderirikanye agho malagho, wandu ndewilutale lukundo lukatie lwa BWANA.

ZABURI 122:8

Kwa wundu ghwa wanidu, na wangara wapo nichazera Jerusalemu, “Sere ndeikaie andenyi kwako.”

ZABURI 149:4

BWANA wadaboilwa ni wandu wake; wadawibonya wandu wikuserie wineko ishima kwa kuwibonya wisime.

ZABURI 25:9

Wadawilongoza awo wikuserie, na kuwifundisha kubonya lukundo lwake.

ZABURI 45:4

Joka na wubaa ghwako, kusime wamaiza wako; kudederie loli na hachi; kuwonyere wusimi m'baa kwa ndighi rako.

MCHILI 8:1

Mundu wa hikima nuo umanyagha malagho seji ghiko. Hikima yadam'bonya ukaie na kuboilwa, na kubonya wushu ghwake ghukaie ghuelie.

MCHILI 8:5

Kukamsikira kuchakaia banana; mundu uko na hikima uchamanya seji ubonyagha kwa ngelo yaro.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 60:6

Longo lwa ngamila richacha richuo kwako, wana wa ngamila wifumie Midiani na Efa; iro rose kufuma Sheba richakuchea. Richareda dhahabu na marumba, wikieresha agho makaso gha BWANA.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MITALO 12:3

Uo Musa orekoghe mundu wa mboa nandighi kuchumba wandu wose werekoghe ndoenyi.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 21:5

“Ghughorienyi muzi ghwa Sioni, hoyu mzuri wako wakuchea, wa mboa, wajoka aighu ya punda na punda mtini, mwana wa punda.”

MATHAYO 5:5

Warasimilwa awa wiko wa mboa, angu awo wichapata isanga.

MATHAYO 7:24

“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

1 WAKORINTHO 6:5

Ughu ni waya konyu! Mndungi oosoweka putu loli aghadi konyu uko na hikima odima kuboisa maza aghadi ya mundu na mruna,

2 WAKORINTHO 10:1

Idana ini moni Paulo, niwonekagha wa mboa iji nikwanye nenyo, ela nibirie iji niko kula; namvoya kwa wumboa na nicha ya Kristo,

2 WAKORINTHO 8:24

Kwa wundu ugho, wonyerenyi wuloli ghwa lukundo lonyu kwa makanisa, na kuja kukukasa kodu diko nako kwa wundu ghonyu.

WAGALATIA 5:23

wumboa, na kukumazira; aighu ya maza iri, ndekuwadie sharia ingi anduangi.

WAGALATIA 6:1

Wanidu, ngera mndungi wawadwa na ikosa jingi, inyo muko wa kiroho, mumtesie kwa roho ya wumboa; mkikulindia inyo mmbeni msechetimwa wori.

WAGALATIA 6:4

Kula mundu ndeitime kazi yake moni; niko uchaakaia na sababu ra kukukasa kwake uo moni; hata si kwa mmbao anduangi.

WAEFESO 4:2

Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAFILIPI 1:27

Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 TIMOTHEO 2:25

na kuwiwonyera kwa wumboa awo wimtangalagha. Kewada Mlungu uchawineka kuhea na kuvikia kuimanya ija loli;

TITO 3:2

Wisakemghora mndungi kiwiwi, wisekaie werashana, wikaie wa mboa, na kuwonyera wucha ghose kwa wandu wose.

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

JAKOBO 3:1

Wanidu, wengi wenyu msekaie walimu, angu mwamanya kukaia isi dawuyafundisha, dichatanywa nandighi kuchumba.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 PETRO 1:15

Ela sa iji koni uo ummbangie uko uelie, nenyo wori mkaie muelie kwa tabia renyu rose;

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 PETRO 3:4

ela kukaie kwa mundu uvisikie wa ngolonyi, uko na lulu isenonekagha ya roho ya wumboa, ihorie; nayo yawadie zoghori mbaa imbiri ya Mlungu.