JAKOBO 2:8 - Biblia Ilagho Jiboie Kwa Wandu Wose

⁸ Kamanya loli inyo mwawuyaikatisha ija sharia ya kiwuzuri, kunughana na Maandiko Ghielie, “Kumkunde mmbenyu seji koni kukukunde kumoni,” ni nicha.

JAKOBO 2:8 ပူးပေါင်းရင်းမြစ်များ

1 WAZURI 8:18

Ela BWANA oremzerieghe aba Daudi, ‘Kwabonyere nicha kukaia na mpango ghoniaghia Hekalu,

2 WAZURI 7:9

Nao wikazerana weni na weni, “Ndediwuebonya ilagho ja hachi. Idime ni ituku jeeresha malagho mecha, dikanyama kima hata ndoe iele, dichapatwa ni malagho. Idana ndedighende dighore agha malagho ngomenyi kwa mzuri.”

WALAWI 19:18

Kusakemlipia mndungi angu kukaia na ngenga nao. Ela kumkunde mmbenyu sa iji koni kukukunde kumoni; ini ne BWANA.

WALAWI 19:34

Uo mghenyi mwawuyakanya uchakaia kwako sa muisanga aghadi konyu; na oho kuchamkunda seji kukukunde kumoni, kwa kukaia na oho korekoghe mghenyi isanga ja Misri; ini ne BWANA Mlungu wako.

JONA 4:4

BWANA ukaghamba, “Huwo koko na hachi ebonya machu?”

JONA 4:9

Ela Mlungu ukamzera Jona, “Huwo koko na hachi ebonya machu kwa wundu ghwa mmbonu?” Nao ukaghamba, “Neko na hachi ebonya machu; machu ghikate kunibwagha.”

MATHAYO 22:39

Na ghwa kawi ghoofwanana na ugho: Kumkunde mmbenyu sa iji koni kukukunde kumoni.

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

MATHAYO 25:23

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

MATHAYO 7:12

Wibonyerenyi wandu wazima agho gheni mkundagha m'bonyero ni awo, angu uku niko kutambua kwaro Sharia na mafundisho gha walodi.

WAROMA 13:10

Kukamkunda mmbenyu, ndekudimagha kum'bonyera kiwiwi chingi anduangi; kwa huwo, lukundo lwadakatisha Sharia yose.

WAGALATIA 5:14

Angu Sharia yose yakatishwa kwa ilagho iji jimweri, “Kumkunde mmbenyu sa iji koni kukukundagha kumoni.”

WAGALATIA 6:2

Mtesiane mmbeni na mmbeni, mpate kuikatisha sharia ya Kristo.

WAFILIPI 4:14

Ela sena mwabonyere nicha nandighi kunitesia wasi ghwapo.

1 WATHESALONIKE 4:9

Idana inyo ndemne haja eandikilwa malagho gha kuwikunda wanidu anduangi, angu inyo mmbeni mwamerie kufundishwa ni Mlungu kukundana mmbeni na mmbeni;

JAKOBO 1:25

Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

JAKOBO 2:12

Kwa wundu ugho, dedenyi na kubonya sa wandu mchaatanywa ni Sharia ya wuhuru.

JAKOBO 2:19

Oho kwarumiria angu Mlungu ni umweri, kwabonya nicha. Hata pepo rarumiria, na kusughusika.

JAKOBO 4:11

Msakedediana kiwiwi mmbeni na mmbeni wanidu. Uo umzughunukiagha mruna angu kumtanya waaghora kiwiwi aighu ya Sharia, na kuitanya Sharia. Na kukaitanya Sharia, ndekuwueisikira; ela kwaawuya mtanyi waro.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.