JAKOBO 2:6 - Biblia Ilagho Jiboie Kwa Wandu Wose

⁶ Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

JAKOBO 2:6 ပူးပေါင်းရင်းမြစ်များ

AYUBU 20:19

Kwa kukaia wawikorongie wakiwa kwa kuleghawitala; ukawusa nyumba usereriaghieghe.

ZABURI 10:10

Wawighusha wakiwa na kuwifasha kwa ndighi rake.

ZABURI 10:14

Ela oho kwawuyawona ee Mlungu, kwawuyazighana wasi na kusumbuka kwawo; koko tayari kutesia. Mkiwa wadakuwika kwako, na oho kwadawitesia wana wakiwa.

ZABURI 10:2

Wawiwi wawiwinga wakiwa na ndighi kwa lukaso lwawo; kuwibonye wiwado ni midegho yawo icheni wiideghie.

ZABURI 10:8

Wadawilaliria wandu a mizinyi, na kuwibwagha wandu wisene ikosa a kivisonyi. Wapeleleza wakiwa akivisonyi,

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 14:6

Inyo wawiwi, mwadainona mipango ya mkiwa; ela BWANA wadamlindia.

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

MAKATANISHO 17:5

Mundu umsekagha mkiwa, wadamdukana Muumbi wake; uhu uboilwagha ni mundu wapatwa ni ndengwa, ndechaakaia usepatire ikabo.

MAKATANISHO 18:23

Mkiwa wadalomba kwa kuvoya, ela mzuri wa mali wadatumbulia kwa kubia.

MAKATANISHO 22:16

Mundu umkorongagha mkiwa eri upate kufugha, angu kuneka wazuri wa mali manosi, uchawuya mkiwa.

MAKATANISHO 22:7

Wazuri wa mali wadawibonyera nguma wakiwa; mkopi ni mzumba wa mkopeshi.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

HABAKUKI 3:14

Kukamlasa kilongozi wa ijeshi jake na iwanu jako, ijo jeredichieghe sa kikulughulu kudisaghisa, jikiboilwa sa wandu wimkorongagha mkiwa kivisonyi.

ZEKARIA 7:10

Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’

JOHANE 8:49

Jesu ukawitumbulia, “Ini siwadie pepo ingi, ela nam'bonyera ishima Aba, nenyo muaninonia ishima.

MABONYO GHA WADUMI 13:50

Ela Wayahudi wikawikumba sheshe waka wa mbari zima wa ishima, wimuobuagha Mlungu, na womi werekoghe vilongozi va muzi. Wikazoya kuwitirira Paulo na Barnaba, na kuwiwinga isangenyi kwawo.

MABONYO GHA WADUMI 17:6

Hata iji wawisowa, wikamkurudua Jasoni andwamweri na wanidu wamu, na kuwireda kwa wabaa wa muzi wikikema na kughamba kwa lwaka lubaa, “Awandu wighughalusire wurumwengu, hawa wacha aha;

MABONYO GHA WADUMI 18:12

Ela iji Galio orekoghe m'baa wa Akaya, Wayahudi werewukieghe kwa ngolo imweri, wikammbwada Paulo na kumghenja kotinyi

MABONYO GHA WADUMI 8:3

Ela Sauli ukatima kujinona Ikanisa na ndighi; nao ukingia nyumba kwa nyumba, ukawikurudua womi na waka na kuwingira jela.

1 WAKORINTHO 11:22

Ahuwo ndemmbwadie nyumba rejia na kunywa? Angu mwaawuyajimenya ikanisa ja Mlungu, na kuwifusha waya awo wisewadie kindo chingi? Da nimzera wada? Nimkase kwa wundu ghwa agho? Hata! Sidimagha.

JAKOBO 2:3

Ngera mwamneka ishima uja mundu urwae nicha, nao mumzere, “Seria aha tafadhali;” na uja mkiwa mumzere, “Kaia kimusi aja;” angu “Seria andonyi aha maghunyi kwapo.”

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

JAKOBO 5:6

Mwatanya na kum'bwagha mundu wa hachi, nao ndetangalanagha nenyo anduangi.