JAKOBO 2:5 - Biblia Ilagho Jiboie Kwa Wandu Wose

⁵ Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

JAKOBO 2:5 ပူးပေါင်းရင်းမြစ်များ

1 WAZURI 22:28

Mikaia ukaghamba, “Kawona kwawuya kwa sere, BWANA ndeghorie nani anduangi.” Ukachuria kughamba, “Sikirenyi mmbose seji naghamba.”

AYUBU 34:10

“Kwa huwo nisikirienyi inyo wandu mtambukilwagha. Ndeidimikagha putu Mlungu kubonya mawiwi; Uo-Uwadie-Ndighi-Rose ndedimagha kubonya makosa.

AYUBU 34:19

Uo ndedawiriagha wabaa, hata kumtala mzuri wa mali kuchumba mkiwa; angu nuo moni uwiumbie wose.

AYUBU 38:14

Mwengere ghwa dime ghwafunukua mighondi na vololo riwoneke worinyi; rawoneka worinyi sa nguwo yakuchulwa, na sa muhuri ghwakabwagha aighu ya wongo.

KUFUMA 20:6

ela nawibonyera lukundo maelfu gha wandu, awa winikundagha, na kuiwadia memu yapo.

MAKATANISHO 13:7

Mndumu uakubonya mzuri wa mali, usewadie kindo chingi; umu uakubonya mkiwa, sena uko na mali nyingi.

MAKATANISHO 7:24

Na idana ee wanake, nisikirenyi; sikirienyi malagho ghapo.

MAKATANISHO 8:32

“Idana wana wapo, nisikirenyi. Warasimilwa awa wibonyagha seji nighoragha.

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

ZEKARIA 11:11

Kwa huwo ijo ilaghano jikanonwa ijo ituku. Awo wereghuagha na kuuza ng'ondi werekoghe wikinizighanira, wikamanya angu BWANA orekoghe ukighora nani kwa agho nabonya.

ZEKARIA 11:7

Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

MARKO 7:14

Jesu ukajiwanga izungu ja wandu wimchee sena, ukawizera, “Nisikirienyi inyo mmbose, sena mtambukilo.

LUKA 12:21

Ni huwo koni kwa uo ukuwikiagha moni mali, useko na mali ingi kwa Mlungu anduangi.”

LUKA 12:32

“Msakeobua inyo chagha kitini, angu yam'boie Ndeyo onyu kumneka ugho wuzuri.

LUKA 16:22

“Nao uja mkiwa ukafwa, ukadalwa ni weke malaika, ukasea kidombo kaavui na Abrahamu.

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

LUKA 22:29

na sa iji koni Aba uniwikie wuzuri, na ini wori nammbikia wuzuri,

LUKA 6:20

Nao Jesu ukawizighana wanughi wake ukaghamba, “Mwarasimilwa inyo muko wakiwa, angu wuzuri ghwa mlungunyi ni ghonyu.

JOHANE 7:48

Jingi mwawonie m'baa ungi angu Mfarisayo ungi umrumirie mundu uhu?

MABONYO GHA WADUMI 7:2

Stefano ukaghamba, “Wanidu na weke aba nisikirienyi. Mlungu wa wubaa oremfutukieghe aba odu Abrahamu iji orekoghe Mesopotamia imbiri useghendie kukaia Harani

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

1 WAKORINTHO 2:9

Ela sa iji koni iandikilo, “Maza mndungi usereriwonieghe na kurisikira hata kurighesha jingi, niro reni Mlungu uwiboisire awo wimkundagha.”

2 WAKORINTHO 4:15

Angu maza rose ni kwa wundu ghonyu, na sa iji koni mvono ghwa Mlungu ghuwivikiagha wandu wengi kuchumba, wokoni awo wengi, wichabonya malombi mengi ghefunya chawucha kwa wubaa ghwa Mlungu.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WAEFESO 1:18

Meso gha ngolo renyu ghineko mwengere, eri mpate kumanya wammbangie kwa isuwirio ja indoki, na ni mali rifwane wada ra ifwa ja wubaa ghwake riko andenyi ya waeli.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

1 WATHESALONIKE 2:12

angu mkaie na irangi jim'boiagha Mlungu, uo ummbangagha inyo andenyi ya Wuzuri na wubaa ghwake moni.

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 1:16

Msakekalilwa wanidu nimkunde.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 1:9

Uo mwanidu wa ndonyi, ndekukase kwa kujoswa kwake,

1 PETRO 1:4

na kupata ifwa jisenonekagha, jiselushiro, jisesiagha, jiwikilo mlungunyi kwa wundu ghonyu

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WATANYI 9:7

Nao iji Jothamu waghorelwa maza iro, ukajoka na kukaia kimusi aighu ya Mghondi ghwa Gerizimu, ukakema na lwaka lubaa ukawizera, “Nisikirienyi inyo wandu wa Shekemu, eri Mlungu upate kumsikiria inyo.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.