JAKOBO 2:25 - Biblia Ilagho Jiboie Kwa Wandu Wose

²⁵ Na Rahabu wori jija ilaya, ndedetalwa kukaia na hachi kwa mabonyo wokoni iji orewikaribishireghe waja wadumwa, na kuwifunya shighadi kwa chia zima angu wada?

JAKOBO 2:25 ပူးပေါင်းရင်းမြစ်များ

MATHAYO 1:5

Salmoni oremvaeghe Boazi (mae orekoghe Rahabu), Boazi na Ruthu wikamva Obedi, na Obedi ukamva Jese;

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MABONYO GHA WADUMI 17:7

na Jasoni wawikaribisha. Nawo sena waawuyanona sharia ra Kaisari, wikighamba wei oko mzuri mzima uwangwagha Jesu.”

WAEBRANIA 11:31

Kwa irumirio, Rahabu jija ilaya, ndejeretotereghe chiaimweri na awo wereleghieghe, angu orewikaribishireghe waja washeki sa waghenyi wake.

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

JAKOBO 2:22

Idana kwawona angu irumirio jerebonyereghe kazi andwamweri na mabonyo ghake, na irumirio jerekatishiroghe ni kazi;

JAKOBO 2:24

Mwawona kukaia mundu wadatalwa kukaia na hachi kwa mabonyo, hata si kwa irumirio jeni jiekeri anduangi.

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

JOSHUA 2:15

Nao Rahabu ukawisera awo wandu kuidiria idirishenyi kwa kamba, angu nyumba yake erekoghe wurighenyi ghwa muzi.

JOSHUA 2:16

Ukawizera, “Ghendenyi cha mghondinyi msechekwana na waja wandu wimlolagha, mkaie aho matuku adadu hata awo wandu wameria kuwuya; konyuma mwende chia yenyu.”

JOSHUA 2:4

Ela uja muka orekoghe wawivisa awo wandu wawi; ukawitumbulia waja wandu, “Loli awo wandu wacha wikangia nyumbenyi kwapo, ela siwimanyire andu wafuma;

JOSHUA 2:6

Ela Rahabu orekoghe wawijosa awo wandu gorofenyi na kuwivisa aisi ya miringodi ya kitani oreiwikieghe aho.

JOSHUA 6:17

Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.