JAKOBO 2:23 - Biblia Ilagho Jiboie Kwa Wandu Wose

²³ na maandiko ghikakatia agho ghighambagha, “Abrahamu oremrumirieghe Mlungu, na kwake ikatalwa kukaia hachi;” nao ukawangwa mghenyi wa Mlungu.

JAKOBO 2:23 ပူးပေါင်းရင်းမြစ်များ

KUZOYA 15:6

Abramu ukamrumiria BWANA, na kwa irumirio ijo, ukatalwa kukaia na hachi.

1 WAZURI 4:5

Azaria mwana wa Nathani orekoghe m'baa aighu ya wabaa wambao; Zabudi mwana wa Nathani orekoghe mkohani na mghenyi wa mzuri;

2 MALAGHO GHA NGELO 20:7

Si oho kumoni ee Mlungu odu korewiwingieghe wandu werekoghe wikikaia andenyi ya iji isanga imbiri ya wandu wako Israeli, kukajineka kivalwa cha mghenyi wako Abrahamu kwa kala na kala?

AYUBU 16:21

Nakunde mndumu unidederie hachi yapo kwa Mlungu, seji ikaiagha aghadi ya mdamu na mmbao.

KUFUMA 33:11

Huwo BWANA ukaghora na Musa wushu kwa wushu sa iji koni mundu udedanyagha na mghenyi wake. Na iji Musa wakawuya cha kambinyi, Joshua mwana wa Nuni, mdumiki wake, orekoghe ukisigharika andenyi ya Hema.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

MARKO 12:10

Welee, jingi ndemshomie iandiko iji? ‘Igho jija werejileghieghe waaghi, nijo jeni jawuya ibaa ja mbembenyi.

MARKO 15:27

Vitoi viwi veresulubishiroghe andwamweri nao, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka. [

LUKA 4:21

Ukazoya kuwizera, “Idime maandiko agha ghapata kukatia madunyi konyu.”

MABONYO GHA WADUMI 1:16

“Wanidu, edeeka suti maandiko ghikatisho; agho gherededeloghe ni Roho Mweli kwa momu ghwa Daudi aighu ya Juda, uo orekoghe kilongozi cha waja weremmbwadieghe Jesu.

WAROMA 11:2

Mlungu ndewileghie wandu wake awo orewimanyireghe kufuma imbiri. Wele ndemmanyire agho ghighorelo ni Maandiko aighu ya Elija seji orekoghe ukimvoya Mlungu aighu ya Israeli ukighamba,

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

WAGALATIA 3:22

Ela maandiko ghaawuyaghora kukaia wurumwengu ghose ghooka kaung'enyi, eri icho cherelaghiriloghe kwa irumirio jiko andenyi ya Jesu Kristo, chipate kunekwa awo wirumiriagha.

WAGALATIA 3:6

Niko huwu Abrahamu “Ukamrumiria Mlungu, na kwake ikatalwa kukaia hachi.”

2 TIMOTHEO 3:16

Maandiko ghose gheefurilwa ni Mlungu, nagho ghafwana kwa kufundisha, kwa kuwonyera, kwa kuboisa makosa, na kwa kuwifundisha wandu chia ya hachi;

JAKOBO 2:24

Mwawona kukaia mundu wadatalwa kukaia na hachi kwa mabonyo, hata si kwa irumirio jeni jiekeri anduangi.

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”