JAKOBO 2:21 - Biblia Ilagho Jiboie Kwa Wandu Wose

²¹ Welee, Aba odu Abrahamu ndedetalwa kukaia na hachi kwa mabonyo, iji oremfunyireghe mwana wake Isaaka kizongona aighu ya madhabahu?

JAKOBO 2:21 ပူးပေါင်းရင်းမြစ်များ

ZABURI 143:2

Kusakenighenja kutanyonyi ini mdumiki wako; ndekuwadie mndungi uko mhachi imbiri kwako.

ISAYA 51:2

Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

MATHAYO 12:37

Angu kwa madedo ghako kuchanekwa hachi, na kwa madedo ghako kuchatanywa.”

MATHAYO 3:9

Hata msakeghesha mkighamba wei, ‘Isi de wana wa Abrahamu.’ Angu namghoria, Mlungu wadima kughibonya magho agha ghiwuye wana wa Abrahamu.

LUKA 1:73

Ighemi oremghemieghe Aba odu Abrahamu ja kudineka isi kukaia,

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

LUKA 16:30

Nao ukaghamba, ‘Ai hata aba Abrahamu, ela ngera umu wadawighendia kufuma kwa wafu wichahea.’

JOHANE 8:39

Nao wikamzera, “Aba odu ni Abrahamu.” Jesu ukawizera, “Ngera loli modeeka wana wa Abrahamu, kumangu mwabonya seji Abrahamu orebonyereghe.

JOHANE 8:53

Oho ko m'baa kuchumba aba odu Abrahamu nao wafue, na walodi wafue! Kwakubonya kumoni kukaia ani?”

MABONYO GHA WADUMI 7:2

Stefano ukaghamba, “Wanidu na weke aba nisikirienyi. Mlungu wa wubaa oremfutukieghe aba odu Abrahamu iji orekoghe Mesopotamia imbiri useghendie kukaia Harani

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

WAROMA 4:1

Idana dighora wada aighu ya Abrahamu aba odu wa kala kwa chia ya mumbi?

WAROMA 4:12

Wokoni, ukaie ndee wa wandu wishamishiro; awo chiaimweri na kushamishwa kwawo, wawuyanugha fwana ya irumirio ijo aba odu Abrahamu orekoghe najo imbiri useshamishiro.

WAROMA 4:16

Ni kwa wundu ughu ilaghiro jamangishwa ni irumirio, eri ijo ilaghiro jihakikishiro jikaie kwa mvono, kwa kivalwa chose cha Abrahamu. Si kwa awo wiiwadiagha Sharia wiekeri, ela na awo wori wiko na wungara na ijo irumirio ja Abrahamu; angu uo nuo aba odu isi diwose

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

JAKOBO 2:24

Mwawona kukaia mundu wadatalwa kukaia na hachi kwa mabonyo, hata si kwa irumirio jeni jiekeri anduangi.

JOSHUA 24:3

Niko ngamsaghua ndeyo Abrahamu kufuma kwa ijo isanga, ngamruwusa kimonu cha Moda ghwa Eufrate na kumghenja aghadi ya isanga jose ja Kanaani, na kumneka kivalwa kingi. Ngamneka Isaaka,